હોંગકોંગમાં 'વિફા' વાવાઝોડાનો હાહાકાર: 167 KM/H ની ઝડપે ત્રાટકતા 'લોકો હવામાં ઉડવા લાગ્યા', જુઓ ભયાનક Video
ભારે પવન અને વરસાદથી 400 થી વધુ ફ્લાઇટ્સ રદ, જાહેર પરિવહન ખોરવાયું; 450 થી વધુ લોકો ઘાયલ, 43 હજાર લોકો આશ્રયસ્થાનોમાં રહેવા મજબૂર બન્યા.
Typhoon Wipha video: ચીનના હોંગકોંગમાં 'વિફા' નામના ભયાનક વાવાઝોડાએ ભારે વિનાશ વેર્યો છે, જેના કારણે શહેરનું જનજીવન સંપૂર્ણપણે ખોરવાઈ ગયું છે. 167 કિલોમીટર પ્રતિ કલાકથી વધુની ઝડપે ત્રાટકેલા આ વાવાઝોડાના કેટલાક વીડિયો સોશિયલ મીડિયા પર વાયરલ થયા છે, જેમાં લોકો ભારે પવનને કારણે હવામાં ઉડતા દેખાઈ રહ્યા છે. વાવાઝોડા પછી થયેલા ધોધમાર વરસાદે પણ લોકોને સ્વસ્થ થવાનો મોકો આપ્યો નથી.
પરિવહન સેવાઓ ઠપ્પ, જનજીવન અસ્તવ્યસ્ત
હોંગકોંગના લોકોને વાવાઝોડા અને ભારે વરસાદના જોડિયા પ્રકોપનો સામનો કરવો પડ્યો છે. તોફાની પવનોને કારણે 400 થી વધુ ફ્લાઇટ્સ રદ કરવામાં આવી છે, અને મેટ્રો, રેલ્વે તેમજ એરપોર્ટ સેવાઓ સંપૂર્ણપણે બંધ કરી દેવામાં આવી છે. આ ઉપરાંત, માર્ગ પરિવહન સેવાઓ પણ આગામી આદેશો સુધી સ્થગિત કરવામાં આવી છે. સ્થાનિક વહીવટીતંત્રે તમામ શાળાઓ બંધ રાખવાનો આદેશ આપ્યો છે અને અનેક મોટી જાહેર ઘટનાઓ રદ કરવામાં આવી છે, જેનાથી શહેરની દૈનિક ગતિવિધિઓ લગભગ ઠપ્પ થઈ ગઈ છે.
20.07.2025#China#TyphoonWifa hits #HongKong, leaving behind fallen trees and scaffolding, flooding, and forcing more than 200 people to seek shelter. More than 110 mm of rain fell in three hours, and wind gusts exceeded 167 km/h. There are casualties.@Reuters pic.twitter.com/tBztp6jQo7
— Climate Review (@ClimateRe50366) July 20, 2025
#TyphoonWipha batters #Hongkong with gusts of wind, 100mph+mph, bringing torrential #Rains 4inches in just 3 Hrs & #Flooding. 400+ Flights cancelled, public transport, ferries suspended.
— Dr. Subhash (@Subhash_LiveS) July 20, 2025
It made #Landfall in Taishan #Guangdong. T10 warning issued.#ClimateChange pic.twitter.com/O2xnS8pyJV
ભારે નુકસાન અને રાહત કાર્ય
હોંગકોંગ સરકારના જણાવ્યા અનુસાર, આ ભયાનક તોફાન દરમિયાન વૃક્ષો પડવા સહિતની ઘટનાઓમાં 450 થી વધુ લોકો ઘાયલ થયા છે. લોકોની સુરક્ષાને ધ્યાનમાં રાખીને, 250 થી વધુ લોકોએ જાહેર આશ્રયસ્થાનોમાં આશરો લીધો છે, અને સરકારે તમામ સ્થાનિક મનોરંજન સ્થળોને બંધ રાખવાનો આદેશ જારી કર્યો છે.
'વાઇફા' વાવાઝોડાને કારણે લગભગ 43 હજાર લોકો પોતાના ઘર છોડીને સુરક્ષિત આશ્રયસ્થાનોમાં સ્થળાંતર કરવા મજબૂર બન્યા છે. આ વાવાઝોડાએ અગાઉ ફિલિપાઇન્સ અને તાઇવાનમાં પણ ભારે વિનાશ વેર્યો હતો, જ્યાં 400 થી વધુ ઘરોને નુકસાન થયું હતું અને ઘણા લોકો ઘાયલ થયા હોવાના અહેવાલ છે, જોકે મૃત્યુઆંક અંગે હજુ સુધી કોઈ સત્તાવાર પુષ્ટિ થઈ નથી.
ટોપ સ્ટોરી
ટ્રેન્ડિંગ સમાચાર
