અમેરિકા અને ઈરાન દોહામાં તેમના મતભેદોને બાજુ પર રાખીને હોર્મુઝ સ્ટ્રેટ વિવાદનો ઉકેલ લાવવા સંમત થયા છે. એક્સિયોસના અહેવાલ મુજબ, એક વરિષ્ઠ અમેરિકન અધિકારીએ જણાવ્યું હતું કે બંને દેશો મંગળવારે દોહામાં હોર્મુઝ સ્ટ્રેટ પર ચાલી રહેલા વિવાદના ઉકેલ માટે ચર્ચા કરવા માટે મળશે. "અમે બધી લશ્કરી કાર્યવાહી બંધ કરવાનો નિર્ણય લીધો છે."
અન્ય એક અધિકારીએ જણાવ્યું હતું કે બંને પક્ષો હાલ પૂરતા પાછળ હટશે જેનાથી કોઈ પણ પ્રકારા રોક ટોક વિના જહાજો અવરજવર કરી શકશે કારણ કે ટેકનિકલ વાટાઘાટો ચાલુ રહેશે. યુએસ અધિકારીઓ અને આ બાબતથી પરિચિત ત્રીજા સ્ત્રોતે મંગળવારની બેઠકની પુષ્ટી કરી છે.
યુદ્ધવિરામ જોખમમાં
11 દિવસ પહેલા થયેલ આ નાજુક યુદ્ધવિરામ હવે જોખમમાં છે, કારણ કે અમેરિકાના રાષ્ટ્રપતિ ડોનાલ્ડ ટ્રમ્પે યુદ્ધ ફરી શરૂ કરવાની અને જો ઈરાન તેનું પાલન નહીં કરે તો "અસ્તિત્વ સમાપ્ત" કરવાની ધમકી આપી છે. દરમિયાન, મીડિયા અહેવાલો અનુસાર, ઈરાનના વિદેશ પ્રધાન અબ્બાસ અરાઘચીએ રવિવારે (સ્થાનિક સમય) જણાવ્યું હતું કે પ્રારંભિક શાંતિ કરાર હેઠળ ઈરાનને હોર્મુઝ સ્ટ્રેટમાં ટ્રાફિકનું સંચાલન કરવાનો સંપૂર્ણ અધિકાર છે.
તેમણે જણાવ્યું હતું કે તેઓ અમેરિકાના આ દલીલ સાથે અસંમત છે કે કરાર ઈરાનને નિયંત્રણ આપતો નથી અને જહાજોને આંતરરાષ્ટ્રીય જળમાર્ગો દ્વારા મુક્તપણે ફરવા જોઈએ.
આ પણ વાંચોઃ US Iran Tension: ઈરાનના 10 સૈન્ય ઠેકાણાઓ પર અમેરિકાનો હુમલો, CENTCOMએ જાહેર કર્યો વીડિયો
જહાજો પર હુમલાઓથી વિવાદમાં વધારો
તેહરાનનો દાવો અમેરિકા સાથે ઘણા દિવસોના બદલો લેવાના હુમલાઓ પછી આવ્યો છે. આ હુમલાઓ ત્યારે શરૂ થયા જ્યારે ઈરાને ઓમાનના દરિયાકાંઠેથી સ્ટ્રેટ પસાર કરવાનો પ્રયાસ કરી રહેલા જહાજ પર હુમલો કર્યો. તેહરાન ઇચ્છે છે કે જહાજો તેના દરિયાકાંઠે અલગ માર્ગનો ઉપયોગ કરે અને જહાજોને તે અન્ય માર્ગનો ઉપયોગ ન કરવાની ચેતવણી આપી હતી.
હોર્મુઝ સ્ટ્રેટ ખોલવાની જવાબદારી
વોલ સ્ટ્રીટ જર્નલ અનુસાર, જૂનની શરૂઆતમાં ટ્રમ્પ દ્વારા હસ્તાક્ષર કરાયેલા કરારમાં ઈરાનને સ્ટ્રેટ ઓફ હોર્મુઝ ખોલવાની જવાબદારી સોંપવામાં આવી હતી. તેમાં કહેવામાં આવ્યું હતું કે ઈસ્લામિક રિપબ્લિક ઓફ ઈરાન વાણિજ્યિક જહાજોના સુરક્ષિત માર્ગને સુનિશ્ચિત કરવા માટે શ્રેષ્ઠ પ્રયાસો કરશે અને ઈરાન, પ્રદેશના અન્ય દેશો સાથે પરામર્શ કરીને, સ્ટ્રેટ ઓફ હોર્મુઝના વહીવટ અને દરિયાઈ સેવાઓના ભવિષ્ય માટેના નિયમો નક્કી કરશે.