અમેરિકા અને ઈરાન વચ્ચે ડીલની શક્યતા, ટ્રમ્પ આ પ્રતિબંધ હટાવવા તૈયાર થતાં ચર્ચા!

us iran oil deal: ઈરાને શાંતિ માટે 14 મુદ્દાનો પ્રસ્તાવ આપ્યો; અમેરિકા ઈરાની ફંડના 25 ટકા હિસ્સા પરથી કટોકટી હટાવવા તૈયાર પણ પરમાણુ મુદ્દે હજુ વિવાદ યથાવત.

us iran deal president trump agrees to temporarily lift oil embargo

Source : PTI

Show Quick Read

Key points generated by AI, verified by newsroom

• ઈરાન-અમેરિકા વાટાઘાટોમાં તેલ પ્રતિબંધો હટાવવાની સંભાવના.
• ઈરાનના શાંતિ પ્રસ્તાવ પર અમેરિકાનો હકારાત્મક સંકેત.
• અમેરિકા પ્રતિબંધો હળવા કરવા મર્યાદિત ધોરણે સહમત.
• વાટાઘાટો વચ્ચે પણ લશ્કરી તૈયારીઓ ચાલુ રહી છે.

us iran oil deal: વિશ્વભરમાં ભારે ચિંતાનો વિષય બનેલા ઈરાન-અમેરિકા તણાવ વચ્ચે એક મોટા અને મહત્વના સમાચાર સામે આવી રહ્યા છે. લાંબા સમયથી ચાલી રહેલા યુદ્ધ અને વિવાદનો અંત લાવવા માટે ઈરાન અને અમેરિકા વચ્ચેની વાટાઘાટો હવે એક મહત્વપૂર્ણ વળાંક પર પહોંચી ગઈ હોય તેમ લાગે છે. અહેવાલો અનુસાર, નવા વાટાઘાટોના માળખા હેઠળ રાષ્ટ્રપતિ ડોનાલ્ડ ટ્રમ્પ ઈરાની તેલ પર લાદવામાં આવેલા કડક પ્રતિબંધોને અસ્થાયી રૂપે (થોડા સમય માટે) હટાવવા માટે સંમત થયા છે. આ પહેલા ઈરાને યુદ્ધ રોકવા માટે પાકિસ્તાન સમક્ષ પોતાનો 14 મુદ્દાનો શાંતિ પ્રસ્તાવ રજૂ કર્યો હતો, જેના જવાબમાં વોશિંગ્ટન તરફથી આ હકારાત્મક સંકેત મળ્યો હોવાનું મનાય છે.

ઈરાનની ઇસ્લામિક રિવોલ્યુશનરી ગાર્ડ કોર્પ્સ (IRGC) સાથે જોડાયેલી અર્ધ-સત્તાવાર ન્યૂઝ એજન્સી 'તસ્નીમ' દ્વારા આ અહેવાલ આપવામાં આવ્યો છે. રાજદ્વારી સૂત્રોના હવાલાથી દાવો કરાયો છે કે જો આ પગલાની સત્તાવાર પુષ્ટિ થાય છે, તો તે અમેરિકી પ્રતિનિધિમંડળના વલણમાં મોટો ફેરફાર ગણાશે. જોકે, ન્યૂઝ એજન્સી રોઇટર્સના જણાવ્યા મુજબ, ઈરાની સત્તાવાળાઓએ હજુ સુધી આ અંગે કોઈ સત્તાવાર નિવેદન બહાર પાડ્યું નથી.

અમેરિકા શરતો સાથે નરમ પડ્યું

એક વરિષ્ઠ ઈરાની સૂત્રએ રોઇટર્સને જણાવ્યું કે, અમેરિકાએ ઈરાનના પરમાણુ કાર્યક્રમ અને આર્થિક પ્રતિબંધો અંગેની ચર્ચામાં થોડી નરમાશ જરૂર બતાવી છે, પરંતુ તે હજુ પણ મર્યાદિત છે. અમેરિકા હાલમાં ઈરાનના જપ્ત કરાયેલા ભંડોળમાંથી તબક્કાવાર રીતે માત્ર 25 ટકા રકમ જ મુક્ત કરવા તૈયાર થયું છે. બીજી તરફ, તેહરાન (ઈરાન સરકાર) ની માંગ છે કે તેના પરના તમામ પ્રતિબંધો સંપૂર્ણપણે હટાવી લેવામાં આવે અને તેની તમામ અસ્કયામતો પરથી સ્ટે હટાવવામાં આવે.

આ પણ વાંચોઃ શું નવેમ્બર 2026 માં દુનિયા ખતમ થઈ જશે? જો આ ભવિષ્યવાણી સાચી પડી તો વર્ષ 2027 ક્યારેય નહીં આવે?

ઈરાનનો નવો પ્રસ્તાવ અને યુદ્ધનો ડર

ઈરાને જે સુધારેલો પ્રસ્તાવ મૂક્યો છે તેમાં કાયમી યુદ્ધવિરામ, હોર્મુઝ સ્ટ્રેટ (મહત્વનો દરિયાઈ માર્ગ) ફરીથી ખોલવા અને પરમાણુ કાર્યક્રમની ચર્ચાને આગામી તબક્કા સુધી મોકૂફ રાખવાની માંગ સામેલ છે. પરંતુ આ વાટાઘાટો વચ્ચે પણ તણાવ ઓછો થયો નથી. યુએસ અને ઇઝરાયેલી સૈન્ય અધિકારીઓ ભારે લશ્કરી તૈયારીઓ કરી રહ્યા છે, કારણ કે તેમને આશંકા છે કે જો આ વાટાઘાટો નિષ્ફળ જશે તો આ જ અઠવાડિયે ઈરાન પર ફરીથી હુમલા શરૂ થઈ શકે છે.

મુખ્ય વિવાદો હજુ પણ વણઉકેલાયેલા

તસ્નીમ ન્યૂઝના અહેવાલ મુજબ, બંને દેશો વચ્ચેના મૂળભૂત મતભેદો હજુ પણ યથાવત છે. ઈરાનનો આરોપ છે કે અમેરિકા અવાસ્તવિક માંગણીઓ કરી રહ્યું છે. ઈરાન પોતાની શરતો પર અડગ છે, જેમાં યુદ્ધનો કાયમી અંત, જપ્ત કરાયેલી સંપત્તિની સંપૂર્ણ વાપસી અને યુએસ લશ્કરી કાર્યવાહીથી થયેલા નુકસાનનું વળતર મેળવવાનો સમાવેશ થાય છે. ઈરાને સ્પષ્ટ કર્યું છે કે તે યુદ્ધ વિરામના કોઈપણ કરારને પોતાના પરમાણુ કાર્યક્રમ સાથે જોડશે નહીં અને અમેરિકાની પરમાણુ માંગણીઓને માત્ર એક રાજકીય બહાનું ગણાવે છે.

આ પણ વાંચોઃ ‘તોફાન પહેલાની શાંતિ...’ ડોનાલ્ડ ટ્રમ્પની સોશિયલ મીડિયા પોસ્ટે મચાવ્યો હડકંપ, ઈરાન પર ફરી હુમલો?