Auto Ride : અમેરિકી વિદેશ મંત્રીનો 'દેશી શોખ', દિલ્હીમાં કરી રીક્ષાની સવારી-Video

બ્લિંકને અન્ય એક ટ્વીટમાં જણાવ્યું હતું કે, યુએસ એન્ડ ઇન્ડિયા, યુએસ એન્ડ હૈદરાબાદ, યુએસ એન્ડ કોલકાતા, યુએસ એન્ડ ચેન્નઈ, યુએસ એન્ડ મુંબઈના અમારા કર્મચારીઓ અને તેમના પરિવારોને મળીને આનંદ થયો.

Antony Blinken takes a Ride in Auto Rickshaw : G20 મીટિંગ માટે ભારતની ત્રણ દિવસની મુલાકાતે આવેલા યુએસ સેક્રેટરી ઓફ સ્ટેટ એન્ટની બ્લિંકન રાષ્ટ્રીય રાજધાની દિલ્હીમાં ઓટો રિક્ષાની સવારી કરી સૌકોઈને ચોંકાવ્યા હતાં. ક્વાડ ગ્રૂપના વિદેશ મંત્રીઓ સાથેની બેઠક બાદ બ્લિંકને અનેક તસવીરો શેર કરી જેમાં તે ઓટો રિક્ષામાંથી બહાર નીકળતા જોવા મળી રહ્યાં છે. સૂટ-બૂટ પહેરી બ્લિંકન ઓટો રિક્ષામાંથી બહાર નીકળતી વખતે હસતા હસતા પોઝ આપતા જોવા મળ્યાં હતાં.

બ્લિંકને અન્ય એક ટ્વીટમાં જણાવ્યું હતું કે, યુએસ એન્ડ ઇન્ડિયા, યુએસ એન્ડ હૈદરાબાદ, યુએસ એન્ડ કોલકાતા, યુએસ એન્ડ ચેન્નઈ, યુએસ એન્ડ મુંબઈના અમારા કર્મચારીઓ અને તેમના પરિવારોને મળીને આનંદ થયો. લોકો-થી-લોકોના સંબંધોને મજબૂત કરવા અને યુએસ-ભારત વ્યૂહાત્મક ભાગીદારીને આગળ વધારવા માટે તેમની સખત મહેનત અને પ્રતિબદ્ધતા માટે હું ખૂબ જ આભારી છું.

બ્લિંકને કર્યું  ટ્વિટ 

અન્ય ટ્વિટમાં બ્લિંકને કહ્યું હતું કે, આજે ભારતમાં ગતિશીલ મહિલા નાગરિક સમાજના નેતાઓને મળ્યાં હતાં. મસાલા ચા પર અમે મહિલા સશક્તિકરણ પર ભારતભરમાં તેમના મહત્વપૂર્ણ કાર્યની ચર્ચા કરી જેણે અમારા બંને દેશોને સમૃદ્ધ અને મજબૂત બનાવ્યા છે.

તેમણે અન્ય એક ટ્વિટમાં લખ્યું, મારી મુલાકાત અમારી ભાગીદારીની મજબૂતાઈ અને ઈન્ડો-પેસિફિકની સુરક્ષા માટે અમે જે મજબૂત પ્રતિબદ્ધતા શેર કરીએ છીએ તેને પ્રતિબિંબિત કરે છે. ભારતના આતિથ્ય અને નેતૃત્વ માટે આભાર અને G20 પ્રેસિડેન્સી માટે મહત્વાકાંક્ષી એજન્ડા પર ભાગીદારી કરવા આતુર છીએ.

બ્લિંકન ભારતની ત્રણ દિવસની મુલાકાતે હતા

યુએસ સેક્રેટરી ઓફ સ્ટેટ એન્ટની બ્લિંકન તેમની ભારત મુલાકાત દરમિયાન G-20 જૂથ અને ક્વાડના વિદેશ પ્રધાનોની મહત્વપૂર્ણ બેઠકમાં ભાગ લીધો હતો. 'રાયસિના ડાયલોગ'માં ભાગ લેવા ઉપરાંત તેમના ભારતીય સમકક્ષ વિદેશ પ્રધાન એસ. જયશંકર સાથે દ્વિપક્ષીય વાતચીત પણ કરી હતી. ભારતે ગયા વર્ષે 1 ડિસેમ્બરે G-20 જૂથનું પ્રમુખપદ સંભાળ્યું હતું. ટોચના યુએસ રાજદ્વારી 1 માર્ચથી 3 માર્ચ દરમિયાન નવી દિલ્હીની ત્રણ દિવસની સત્તાવાર મુલાકાતે છે.

G20 જૂથ એ વિશ્વની મુખ્ય વિકસિત અને વિકાસશીલ અર્થવ્યવસ્થાઓનું આંતર-સરકારી મંચ છે. આ જૂથમાં આર્જેન્ટિના, ઓસ્ટ્રેલિયા, બ્રાઝિલ, કેનેડા, ચીન, ફ્રાન્સ, જર્મની, ભારત, ઇન્ડોનેશિયા, ઇટાલી, જાપાન, કોરિયા પ્રજાસત્તાક, મેક્સિકો, રશિયા, સાઉદી અરેબિયા, દક્ષિણ આફ્રિકા, તુર્કી, યુનાઇટેડ કિંગડમ, યુનાઇટેડ સ્ટેટ્સ અને યુરોપિયન યુનિયનનો સમાવેશ થાય છે. (EU) છે.