ડૉનાલ્ડ ટ્રમ્પ ટેરિફ ઘટાડી 20 ટકા કરશે, અમેરિકા-ભારત વચ્ચે થશે ટ્રેડ ડીલ, વિદેશી ફર્મનો મોટો દાવો
ભારત-અમેરિકા ટ્રેડ ડીલ અંગે એક મોટી અપડેટ આપી છે. કંપનીનો અંદાજ છે કે ભારત પર લાદવામાં આવેલા 50 ટકા યુએસ ટેરિફને ફક્ત 20 ટકા સુધી સુધારી શકાય છે.
વિદેશી બ્રોકરેજ ફર્મ નોમુરાએ ભારત-અમેરિકા ટ્રેડ ડીલ અંગે એક મોટી અપડેટ આપી છે. કંપનીનો અંદાજ છે કે ભારત પર લાદવામાં આવેલા 50 ટકા યુએસ ટેરિફને ફક્ત 20 ટકા સુધી સુધારી શકાય છે. ભારત અને અમેરિકા વચ્ચે ટ્રેડ ડિલ અંગે છ રાઉન્ડની વાટાઘાટો થઈ ચૂકી છે, પરંતુ હજુ સુધી અંતિમ નિર્ણય લેવામાં આવ્યો નથી. જો કે, યુએસ પ્રમુખ ડોનાલ્ડ ટ્રમ્પે વારંવાર કહ્યું છે કે બંને દેશો વચ્ચે સકારાત્મક ડીલ થવાની છે.
ભારત અને અમેરિકા વચ્ચે ટૂંક સમયમાં એક કરાર થશે
નોમુરાએ જણાવ્યું હતું કે અમેરિકા અને ભારત વચ્ચે ટ્રેડ ડીલ પરિણામ અનિશ્ચિત છે. કંપનીએ જણાવ્યું હતું કે બંને દેશો તરફથી સકારાત્મક સંકેતો હોવા છતાં કરાર પર હજુ સુધી હસ્તાક્ષર થયા નથી. જો કે, કંપનીએ વિશ્વાસ વ્યક્ત કર્યો હતો કે ભારત અને અમેરિકા વચ્ચે ટૂંક સમયમાં એક કરાર થશે અને ભારત પર યુએસ ટેરિફ 50 ટકાથી ઘટાડીને લગભગ 20 ટકા કરવામાં આવશે. વિદેશી બ્રોકરેજ ફર્મે એમ પણ કહ્યું હતું કે શેરબજાર વર્ષના અંત સુધીમાં બંને દેશો વચ્ચે વેપાર સોદો થવાની અપેક્ષા રાખે છે.
નોમુરાએ ભારતના GDP વૃદ્ધિ દર માટે તેના અંદાજમાં પણ સુધારો કર્યો છે. તેણે નાણાકીય વર્ષ 2026 માટે તેનો વિકાસ દર 7 ટકાથી વધારીને 7.5 ટકા કર્યો છે, પરંતુ ડિસેમ્બર માટે 25 બેસિસ પોઈન્ટનો ઘટાડો જાળવી રાખ્યો છે. તાજેતરમાં, નાણા મંત્રાલયે અહેવાલ આપ્યો છે કે ભારત જુલાઈથી સપ્ટેમ્બર દરમિયાન 8.2 ટકાના GDP વૃદ્ધિ દરે વૃદ્ધિ પામ્યો છે.
ભારત પર ભારે ટેરિફ લાદ્યા હતા
યુનાઇટેડ સ્ટેટ્સે ભારતીય નિકાસ પર 50 ટકા ટેરિફ લાદ્યો છે. જાન્યુઆરીમાં સત્તા સંભાળ્યા પછી ડોનાલ્ડ ટ્રમ્પે પહેલા ચીન પર અને પછી ભારત પર ભારે ટેરિફ લાદ્યા હતા, જેનો ભારતના અર્થતંત્ર પર મોટો પ્રભાવ હોવાનું માનવામાં આવતું હતું. જોકે, IMF જેવી મોટી સંસ્થાઓએ જણાવ્યું હતું કે યુએસ ટેરિફ ભારતના અર્થતંત્ર પર ખાસ અસર કરશે નહીં. કંપનીએ આગાહી કરી હતી કે ભારતનું અર્થતંત્ર સ્થિર રહેશે. હવે, સમગ્ર વિશ્વ ભારતના વિકાસ દરથી આશ્ચર્યચકિત છે.
ભારત અને અમેરિકા વચ્ચે ટ્રેડ ડીલને લઈ ઘણી બધી વખત ચર્ચાઓ થઈ છે. પરંતુ હજુ સુધી કોઈ પરિણામ સામે આવ્યું નથી. હવે ડિસેમ્બર અંત સુધીમાં કંઈક પરિણામ સામે આવી શકે છે.
ટોપ સ્ટોરી
ટ્રેન્ડિંગ સમાચાર
