Russian Scientist Andrey Botikov : કોવિડ-19થી બચવા માટે રશિયા દ્વારા દુનિયાની પ્રથમ રજીસ્ટર્ડ વેક્ટર વેક્સિન સ્પુતનિક V તૈયાર કરનારા વૈજ્ઞાનિકોમાંના એક એન્ડ્રી બોટિકોવને બેલ્ટ વડે ગળું દબાવીને હત્યા કરવામાં આવી છે. આ ઘટના શનિવારે ઘટી હતી. હવે આ કેસમાં આરોપીને દોષી ઠેરવવામાં આવ્યો છે. પોલીસના જણાવ્યા અનુસાર, 29 વર્ષીય યુવકે દલીલ દરમિયાન બોટિકોવનું ગળું દબાવી દીધું અને ભાગી ગયો હતો.
હત્યાની તપાસ કરી રહેલી રશિયન ઇન્વેસ્ટિગેટિવ ઓથોરિટી કમિટીએ એક નિવેદન જારી કરીને કહ્યું છે કે, હત્યાના ગુનેગાર પાસે પહેલાથી જ ગંભીર ગુનાઓનો રેકોર્ડ ધરાવે છે.
રશિયન મીડિયાના અહેવાલો અનુસાર, રશિયન કોવિડ -19 રસી સ્પુતનિક V બનાવવામાં મદદ કરનારા વૈજ્ઞાનિકોમાંના એક એન્ડ્રે બોટિકોવને શનિવારે રાજધાની મોસ્કોમાં તેમના એપાર્ટમેન્ટમાં બેલ્ટ વડે ગળું દબાવીને હત્યા કરવામાં આવી હતી. પોલીસે હત્યાના કલાકોમાં જ એક આરોપીની ધરપકડ કરી હતી. બાદમાં તે દોષિત ઠર્યો હતો. આન્દ્રે બોટિકોવ 47 ગમાલેયા નેશનલ રિસર્ચ સેન્ટર ફોર ઇકોલોજી એન્ડ મેથેમેટિક્સમાં વરિષ્ઠ સંશોધક તરીકે કામ કરતા હતા.
દોષિતને થઈ શકે છે 15 વર્ષ સુધીની જેલ
ન્યૂઝ એજન્સી TASS અનુસાર, રશિયન કાયદા અમલીકરણ એજન્સીઓએ કહ્યું હતું કે, વૈજ્ઞાનિક આન્દ્રેની હત્યા પરસ્પર ઝઘડામાં દલીલ દરમિયાન થઈ હતી. આ એક ઘરેલું ગુનો છે. તપાસ એજન્સીના જણાવ્યા મુજબ 2 માર્ચે, મોસ્કોના એક એપાર્ટમેન્ટમાં દલીલ દરમિયાન, 29 વર્ષીય એલેક્સી વ્લાદિમીરોવિચ ઝમાનોવસ્કીએ બેલ્ટ વડે બોટિકોવનું ગળું દબાવીને હત્યા કરી હતી. તેના નામ પર અગાઉ પણ ગંભીર ગુનાના કેસ નોંધાયેલા છે. રશિયન ક્રિમિનલ કોડની કલમ 105 હેઠળ દોષિતને 15 વર્ષ સુધીની જેલ થઈ શકે છે. હાલ તેને 2 મે સુધી કસ્ટડીમાં મોકલી દેવામાં આવ્યો છે.
પુતિન પાસેથી એવોર્ડ મળ્યો
વાઇરોલોજિસ્ટ એન્ડ્રે બોટિકોવને કોવિડ રસી પરના તેમના કાર્ય માટે 2021માં રશિયન રાષ્ટ્રપતિ વ્લાદિમીર પુતિન દ્વારા ઓર્ડર ઓફ ધ ફાધરલેન્ડ એવોર્ડ એનાયત કરવામાં આવ્યો હતો. રિપોર્ટ અનુસાર, બોટિકોવ એ 18 વૈજ્ઞાનિકોમાં સામેલ હતા જેમણે 2020માં વિશ્વની પ્રથમ રજીસ્ટર્ડ વેક્ટર વેક્સીન સ્પુતનિક V તૈયાર કરી હતી.
સ્પુતનિક V વિશ્વની પ્રથમ નોંધાયેલ રસી હતી
સ્પુતનિક એ એડેનોવાયરસ વાયરલ વેક્ટર છે. આ રસી રશિયામાં ગમલયા રિસર્ચ ઇન્સ્ટિટ્યૂટ ઓફ એપિડેમિયોલોજી એન્ડ માઇક્રોબાયોલોજી દ્વારા વિકસાવવામાં આવી છે. કોવિડ-19 ના નિવારણ માટે 11 ઓગસ્ટ 2020ના રોજ રશિયન આરોગ્ય મંત્રાલય દ્વારા સ્પુતનિક Vની નોંધણી કરવામાં આવી હતી.