ગુરુ ગોચર 2026: 2 જૂનથી કર્ક રાશિમાં ગુરુનો પ્રવેશ, જાણો મેષથી મીન 12 રાશિ પર શું અસર થશે

જ્યોતિષ શાસ્ત્ર અનુસાર 2 જૂન 2026ના રોજ દેવગુરુ બૃહસ્પતિ પોતાની ઉચ્ચ રાશિ કર્કમાં પ્રવેશ કરશે, જાણીએ 12 રાશિ પર શું અસર કરશે

પ્રતીકાત્મક તસવીર

જ્યોતિષ શાસ્ત્ર અનુસાર 2 જૂન 2026ના રોજ દેવગુરુ બૃહસ્પતિ પોતાની ઉચ્ચ રાશિ કર્કમાં પ્રવેશ કરશે. સામાન્ય રીતે ગુરુ એક રાશિમાં લગભગ 13 મહિના સુધી રહે છે, પરંતુ આ વખતે તેઓ "અતિચારી ચાલ" (ઝડપી ગતિ)થી ગોચર કરી રહ્યા છે. જ્યોતિષાચાર્ય ડૉ. અનીશ વ્યાસના જણાવ્યા અનુસાર આ ગોચર દેશ-દુનિયામાં અનેક અણધાર્યા ફેરફારો લાવી શકે છે.

શું છે ગુરુની અતિચારી ચાલ?---વૈદિક જ્યોતિષમાં જ્યારે કોઈ ગ્રહ પોતાની સામાન્ય ગતિ કરતાં વધુ ઝડપથી ગોચર કરે છે ત્યારે તેને અતિચારી કહેવાય છે. ગુરુની આ સ્થિતિના શુભ અને અશુભ બંને પરિણામો ઝડપથી જોવા મળી શકે છે.