Railway Jobs 2024: રેલવેમાં નોકરી મેળવવાની શાનદાર તક, એન્જિનિયરથી લઇને સ્ટેશન માસ્તર સુધીના પદો પર બહાર પડી ભરતી

Railway Jobs 2024: રેલવેમાં નોકરી શોધી રહેલા ઉમેદવારો માટે સારા સમાચાર છે. ઉમેદવારો પાસે કોંકણ રેલવેમાં નોકરી મેળવવાની ગોલ્ડન તક છે. રસ ધરાવતા અને લાયક ઉમેદવારોએ સમયમર્યાદામાં અરજી કરવી જોઈએ.

પ્રતિકાત્મક તસવીર

રેલવેમાં નોકરી શોધી રહેલા ઉમેદવારો માટે સારા સમાચાર છે. ઉમેદવારો પાસે કોંકણ રેલવેમાં નોકરી મેળવવાની ગોલ્ડન તક છે. રસ ધરાવતા અને લાયક ઉમેદવારોએ સમયમર્યાદામાં અરજી કરવી જોઈએ.

કોંકણ રેલવેમાં એન્જિનિયર, ટેકનિશિયન, સ્ટેશન માસ્ટર સહિતની વિવિધ જગ્યાઓ પર ભરતી માટે અરજી કરવાની છેલ્લી તારીખ લંબાવવામાં આવી છે. પહેલા આ તારીખ 7 ઓક્ટોબર 2024 હતી, જે હવે વધારીને 21 ઓક્ટોબર 2024 કરવામાં આવી છે. જે ઉમેદવારો કોઈ કારણોસર અત્યાર સુધી અરજી કરી શક્યા ન હતા તેઓ હવે આ તકનો લાભ લઈ શકે છે.

અરજી પ્રક્રિયા પૂર્ણ કરવા માટે ઉમેદવારોએ કોંકણ રેલવેની સત્તાવાર વેબસાઇટ konkanrailway.com ની મુલાકાત લેવી પડશે. અહીં તમે ભરતી સંબંધિત લિંક પર ક્લિક કરીને સરળતાથી અરજી ફોર્મ ભરી શકો છો.

આ ભરતીમાં અરજી કરવા માંગતા ઉમેદવારો પાસે પોસ્ટ મુજબ સંબંધિત ક્ષેત્રમાં 10મું, SSLC, ITI, એન્જિનિયરિંગ ડિગ્રી, ડિપ્લોમા અથવા ગ્રેજ્યુએશનની ડિગ્રી હોવી જોઈએ. ઉમેદવારોની લઘુત્તમ વય 18 વર્ષ હોવી જોઈએ જ્યારે મહત્તમ વય 36 વર્ષથી વધુ ન હોવી જોઈએ. ઉંમરની ગણતરી 1, ઓગસ્ટ 2024ને ધ્યાનમાં રાખીને કરવામાં આવશે.

ઉમેદવારોએ અરજી ફોર્મ ભરવાની સાથે 850 રૂપિયા (જીએસટી સહિત)ની નિર્ધારિત ફી જમા કરવાની રહેશે, નહી તો તેમનું ફોર્મ સ્વીકારવામાં આવશે નહીં. જ્યારે અનુસૂચિત જાતિ (SC), અનુસૂચિત જનજાતિ (ST), ભૂતપૂર્વ સૈનિકો અને મહિલા ઉમેદવારો માટે અરજી પ્રક્રિયા મફત છે.

અરજી પ્રક્રિયામાં ભાગ લેવા માટે સૌ પ્રથમ ઉમેદવારોએ કોંકણ રેલવેની સત્તાવાર વેબસાઇટ પર જવું પડશે અને ભરતી સંબંધિત લિંક પર ક્લિક કરવું પડશે. આ પછી તમારે નવા પોર્ટલ પર 'To Register' લિંક પર ક્લિક કરીને અને જરૂરી વિગતો ભરીને નોંધણી કરવી પડશે. એકવાર નોંધણી પૂર્ણ થઈ જાય પછી , 'Already Registered? To Login'' પર ક્લિક કરો. 'To Login' પર ક્લિક કરીને અરજી પ્રક્રિયા પૂર્ણ કરો. છેલ્લે ફોર્મની પ્રિન્ટઆઉટ લો અને તેને સુરક્ષિત રાખો.