Kashi Vishwanath Dham: બનારસના આ પ્રસિદ્ધ મંદિરમાં બ્રહ્માસ્ત્ર ફિલ્મના કેસરિયા ગીતનું શૂટિંગ થયું, જાણો મંદિરનો રોચક ઈતિહાસ

બોલિવૂડના મોસ્ટ ફેવરિટ કપલ આલિયા ભટ્ટ અને રણબીર કપૂરની ફિલ્મ બ્રહ્માસ્ત્રની આતુરતાથી રાહ જોવાઈ રહી છે. હાલમાં જ આ ફિલ્મનું ગીત 'કેસરિયા' રિલીઝ થયું છે. જે આ સમયે ખૂબ વાયરલ પણ થઈ રહ્યું છે.

કેસરિયા ગીત

Kashi Vishwanath Dham: બોલિવૂડના મોસ્ટ ફેવરિટ કપલ આલિયા ભટ્ટ અને રણબીર કપૂરની ફિલ્મ બ્રહ્માસ્ત્રની આતુરતાથી રાહ જોવાઈ રહી છે. હાલમાં જ આ ફિલ્મનું ગીત 'કેસરિયા' રિલીઝ થયું છે. જે આ સમયે ખૂબ વાયરલ પણ થઈ રહ્યું છે. આ ગીતમાં આલિયા અને રણબીરની જબરદસ્ત કેમેસ્ટ્રી જોવા મળી રહી છે, પરંતુ શું તમે તે જગ્યાને ઓળખી છે જ્યાં આ ગીત શૂટ થયું છે. જો તમે આ ગીતના શૂટિંગ લોકેશનને આ ઓળખ્યું હોય તો આવો તમને જણાવીએ કે આ ગીતનું શૂટિંગ ક્યાં થયું છે.

કેસરિયા ગીતનું શૂટિંગ યુપીની કાશી નગરી એટલે કે બનારસની ગલીઓમાં અને ફેમસ મંદિર કાશી વિશ્વનાથમાં થયું છે.

ગીતના વીડિયોમાં જોવા મળે છે કે, આ ગીત કાશી વિશ્વનાથ મંદિર અને તેની આસપાસની ગલીઓમાં શૂટ કરાયું છે. આ સાથે ગંગા નદીના કેટલાક સિન પણ ગીતમાં લેવાયા છે.

કાશી વિશ્વનાથ મંદિરની વાત કરીએ તો, આ મંદિરનો ઈતિહાસ હજારો વર્ષ જુનો છે. આ ભવ્ય મંદિર ભગવાન શિવને સમર્પિત છે જે 12 જ્યોતિર્લિંગમાંનું એક છે.

પુરાણો અનુસાર કાશી નગરી ભગવાન શિવનું પસંદગીનું નગર છે. એટલે એવું માનવામાં આવે છે કે, આ શહેરમાં જે લોકોનું મૃત્યુ થાય છે તેને ભગવાન કાશી વિશ્વનાથ જન્મ-મૃત્યુના ચક્રમાંથી મોક્ષ આપે છે.

પવિત્ર નગરી કાશીના પ્રવાસે જતા લોકો અચૂકથી ભગવાન કાશી વિશ્વનાથના દર્શન કરતા હોય છે.