કાર્તિક આર્યન અને જાનવી કપૂરે ઈન્સ્ટાગ્રામ પર એકબીજાને કર્યા અનફોલો, જાણો શું છે કારણ

બોલિવૂડ એક્ટર કાર્તિક આર્યન હાલમાં પોતાની ફિલ્મોની સાથે સાથે પોતાની લવ લાઈફને લઈને પણ ચર્ચામાં છે. ગત વર્ષે કાર્તિકનું નામ સારા અલી ખાન સાથે જોડાતા ચર્ચામાં હતો. જ્યારે છેલ્લા કેટલાક સમયથી કાર્તિકનું નામ જાનવી કપૂર સાથે જોડાઈ રહ્યું છે.

ઉલ્લેખનીય છે કે, જાનવી કપૂર અને કાર્તિક આર્યન પહેલીવાર ફિલ્મ ‘દોસ્તાના-2’ માં સાથે નજર આવવાના છે. આ ફિલ્મનું શૂટિંગ પણ શરુ થઈ ગયું હતું પરંતુ લોકડાઉનના કારણે તેને રોકવું પડ્યું હતું. હવે જેમ જેમ સ્થિતિ સામાન્ય થતી જાય છે તેમ ફિલ્મ પર કામ શરુ થઈ ગયું છે. (photo- Instagram)

કાર્તિક આર્યન અને જાન્હવીએ ઈન્સ્ટાગ્રામ પર એકબીજાને અનફોલો કરી દીધા છે. જો કે, તેની પાછળનું કારણ હજુ સુધી સામે આવ્યું નથી. પરંતુ ફેન્સ અંદાજો લગાવી રહ્યા છે કે, કદાજ બન્ને વચ્ચે કોઈ વાતને લઈને ઝગડો થઈ ગયો છે અથવા બન્નેએ પોતાના રસ્તો અલગ કરવાનો નિર્ણય લીધો છે. (photo- Instagram)

મીડિયો રિપોર્ટ અનુસાર, બન્નેએ એકબીજાને ઈન્સ્ટાગ્રામ પર બ્લોક પણ કરી દીધા છે. જો કે, આ અહેવાલોમાં કેટલી સચ્ચાઈ છે તેને માત્ર જાન્હવી અને કાર્તિક જ જણાવી શકે છે.

સારા સાથે અફેરની ચર્ચાએ ત્યારથી વધારે જોર પકડ્યું હતું જ્યારે જાનવી અને કાર્તિક ગોવામાં વેકેશન માણવા સાથે ગયા હતા. જો કે, તેમની વાયરલ તસવીરો પરથી એ સ્પષ્ટ નથી થઈ શક્યું કે બન્ને ફિલ્મના શૂટિંગ માટે સાથે ગયા હતા કે કોઈ રોમેન્ટિંગ ટ્રિપ પર પરંતુ કાર્તિક અને જાનવીને લઈ હાલમાં જે અહેવાલ સામે આવ્યા છે તે ફેન્સ માટે ચોંકાવનારા છે.

ઉલ્લેખનીય છે કે, જાનવી પહેલા કાર્તિકનું નામ સારા અલી ખાન સાથે જોડાયું હતું. સારાએ જાહેરમાં જ કહ્યું હતું કે, તે કાર્તિકને ડેટ કરવા માંગે છે તેના બાદ બન્ને ઘણી જગ્યાએ સાથે સ્પોટ થયા હતા. કાર્તિક અને સારા ફિલ્મ ‘લવ આજ કલ’માં સાથે નજર આવ્યા હતા. જો કે, બાદમાં એવા સમાચાર સામે આવ્યા હતા કે સારા અને કાર્તિક આર્યને ઈન્સ્ટાગ્રામ પર એકબીજાને અનફોલો કરી દીધા છે.