શું તમને પણ દૂધ પીધા પછી ગેસ થાય છે? જાણો આવું કેમ થાય છે અને કોણે દૂધ પીવાનું ટાળવું જોઈએ

જો દૂધ, છાશ, કે ચીઝ જેવી ડેરી પ્રોડક્ટ્સ લીધા પછી પેટ ફૂલી જતું હોય, તો આ 'લેક્ટોઝ ઇન્ટોલરન્સ' ના સંકેત હોઈ શકે છે.

બાળપણથી જ આપણને શીખવવામાં આવે છે કે દૂધ સ્વાસ્થ્ય માટે ઉત્તમ છે, પરંતુ ઘણા લોકો માટે તે મુસીબતનું કારણ બને છે.

દૂધ પીધા પછી પેટમાં ગેસ, અપચો કે દુખાવો થવો એ સામાન્ય સમસ્યા બની ગઈ છે. આજના સમયમાં જ્યારે લોકો હેલ્થ પ્રત્યે વધુ જાગૃત થયા છે, ત્યારે એ સમજવું જરૂરી છે કે અમૃત સમાન ગણાતું દૂધ દરેકના શરીરને કેમ માફક આવતું નથી. આ સમસ્યા પાછળ મુખ્યત્વે પાચનતંત્રની પ્રક્રિયા જવાબદાર હોય છે.

દૂધમાં Lactose નામની કુદરતી ખાંડ હોય છે, જેને પચાવવા માટે શરીરને Lactase નામના એન્ઝાઇમની જરૂર પડે છે. આ એન્ઝાઇમ આપણા નાના આંતરડામાં ઉત્પન્ન થાય છે. જ્યારે કોઈ કારણસર શરીરમાં આ એન્ઝાઇમની ઉણપ સર્જાય છે, ત્યારે દૂધ યોગ્ય રીતે પચતું નથી અને આંતરડામાં ગેસ પેદા કરે છે. આ સ્થિતિને મેડિકલ ભાષામાં Lactose Intolerance કહેવામાં આવે છે, જેના કારણે પેટ ફૂલવું અને બેચેની જેવા લક્ષણો જોવા મળે છે.