1 મિનિટ કે 1 કલાક? ચાલવા માટે કયો સમય છે બેસ્ટ? જાણો સમય મુજબ શરીર પર થતી અસરો વિશે

ખાધા પછી 15 મિનિટ ચાલવાથી સુગર કંટ્રોલમાં રહે છે, જ્યારે 30 મિનિટ ચાલવાથી વજન ઝડપથી ઘટે છે. ચાલવું છે સ્વાસ્થ્ય માટેનો રામબાણ ઈલાજ: જાણો કેટલો સમય ચાલવાથી શું ફાયદો થાય છે.

આજના ભાગદોડ ભર્યા જીવનમાં ફિટ રહેવા માટે ચાલવું એ સૌથી સરળ, સસ્તી અને અસરકારક કસરત છે. ચાલવાથી માત્ર વજન જ નથી ઘટતું, પરંતુ તે બ્લડ સુગરને કંટ્રોલમાં રાખવા, હૃદયને સ્વસ્થ રાખવા અને માનસિક તણાવ ઘટાડવામાં પણ જબરદસ્ત ફાયદો કરે છે. જોકે, મોટાભાગના લોકોને એ ખબર નથી હોતી કે તેમના શરીર માટે કેટલો સમય ચાલવું બેસ્ટ છે. 1 મિનિટથી લઈને 60 મિનિટ સુધી ચાલવાના શરીર પર અલગ-અલગ ફાયદા થાય છે. ન્યુટ્રિશનિસ્ટ્સનું પણ માનવું છે કે થોડું ચાલવાથી પણ શારીરિક અને માનસિક સ્વાસ્થ્યમાં મોટા ફેરફારો જોવા મળે છે. તો ચાલો જાણીએ કે કેટલો સમય ચાલવાથી શરીર પર કેવી અને શું અસર થાય છે.

1 મિનિટ: જો તમને એમ લાગતું હોય કે 1 મિનિટ ચાલવાથી શું જ ફરક પડવાનો, તો તમે ખોટા છો. આટલું થોડું ચાલવાથી પણ શરીરમાં લોહીનું પરિભ્રમણ (બ્લડ ફ્લો) વધે છે અને આખું શરીર એક્ટિવ થઈ જાય છે.

5 થી 10 મિનિટ: રોજ 5 મિનિટ ચાલવાથી તમારો મૂડ એકદમ સારો થઈ જાય છે અને તમે હળવાશ અનુભવો છો. જ્યારે 10 મિનિટ ચાલવાથી કોર્ટિસોલ નામનું સ્ટ્રેસ હોર્મોન ઘટે છે, જેનાથી મગજ શાંત થાય છે અને તણાવ દૂર થાય છે.