અમદાવાદના મોટેરામાં ગેરકાયદે બાંધકામો પર ચાલ્યું બુલડોઝર, ઘર તૂટતા મહિલાઓ અને બાળકો રડવા લાગ્યા

અમદાવાદના મોટેરામાં ગેરકાયદે બાંધકામો પર બુલડોઝર ચાલ્યું હતું. સ્થાનિકોના વિરોધની વચ્ચે ડિમોલિશનની કામગીરી શરૂ કરવામાં આવી હતી. જૂના ગામતળમાં 36 જેટલા ગેરકાયદે બાંધકામો તોડવાની કામગીરી શરૂ કરાઈ હતી.

અમદાવાદના મોટેરામાં ગેરકાયદે બાંધકામો પર બુલડોઝર ચાલ્યું હતું

અમદાવાદના મોટેરામાં ગેરકાયદે બાંધકામો પર બુલડોઝર ચાલ્યું હતું. સ્થાનિકોના વિરોધની વચ્ચે ડિમોલિશનની કામગીરી શરૂ કરવામાં આવી હતી. જૂના ગામતળમાં 36 જેટલા ગેરકાયદે બાંધકામો તોડવાની કામગીરી શરૂ કરાઈ હતી. ડિમોલિશનની કામગીરીને લઈ સ્થાનિકોમાં આક્રોશ જોવા મળ્યો હતો. મકાન ખાલી કરવાની સૂચના મળતાં જ સ્થાનિકોમાં આક્રોશ જોવા મળ્યો હતો.

મોટેરામાં ગેરકાયદે બાંધકામો તૂટતા બાળકો અને મહિલાઓ રડવા લાગ્યા હતા. બેઘર થઈ જતા મહિલાઓની આંખમાં આંસુ આવ્યા હતા. લોકોના વિરોધને જોતા ગામમાં લોખંડી પોલીસ બંદોબસ્ત ગોઠવાયો હતો. એક યુવકે આત્મવિલોપનની ચીમકી આપતા પોલીસે તેની અટકાયત કરી હતી. પોલીસે એનાઉસ કરીને 30 મિનિટમાં મકાન ખાલી કરવાની સૂચના આપી હતી.

સ્થાનિકોએ ઘરમાંથી સામાન બહાર કાઢવાની શરૂઆત કરી હતી. JCBથી ગેરકાયદે બાંધકામ તોડવાની કામગીરી શરૂ કરાઈ હતી. બબાલ કરનાર એક મહિલાની પોલીસે અટકાયત કરી હતી. આસારામ આશ્રમ નજીકના 36 ગેરકાયદે બાંધકામો દૂર કરાશે.

સ્થાનિકોના ભારે આક્રોશ અને કાયદો-વ્યવસ્થાની સ્થિતિ ન બગડે તે માટે મોટેરા ગામમાં ચુસ્ત અને લોખંડી પોલીસ બંદોબસ્ત ગોઠવી દેવામાં આવ્યો છે. ડિમોલિશનની જગ્યા પર કોઈ અપ્રિય ઘટના ન ઘટે તે માટે 1 એસીપી 5 પોલીસ ઇન્સ્પેક્ટર 10 પીએસઆઈ અને 130 થી વધુ પોલીસ કોન્સ્ટેબલોનો કાફલો સ્થળ પર તૈનાત કરવામાં આવ્યો છે. લોકોનું કહેવું છે કે આ મકાનો જૂના ગામતળની જમીન પર આવેલા છે અને નોટિસ આપ્યા વિના જ આ તોડફોડ કરવામાં આવી રહી છે.

આ તરફ તંત્રનું કહેવું છે કે, વિકાસલક્ષી યોજનાઓને આગળ વધારવા માટે કાયદાકીય પ્રક્રિયા મુજબ કાર્યવાહી કરવામાં આવી રહી છે, જ્યારે બીજી તરફ સ્થાનિકો પોતાનું રહેઠાણ બચાવવા માટે વિરોધ નોંધાવી રહ્યા છે.