jitu vaghani: પૂર્વ પ્રદેશ અધ્યક્ષ જીતુ વાઘાણી ફરી બન્યા કેબિનેટ મંત્રી,વાંચો રાજકીય સફર વિશે

jitu vaghani: પૂર્વ પ્રદેશ અધ્યક્ષ જીતુ વાઘાણી ફરી બન્યા કેબિનેટ મંત્રી,વાંચો રાજકીય સફર વિશે

જીતુ વાઘાણી ફરી બન્યા કેબિનેટ મંત્રી

Gujarat Cabinet Expansion 2025 : ગુજરાતના મુખ્યમંત્રી ભૂપેન્દ્ર પટેલના નેતૃત્વ હેઠળની ભાજપ સરકારે શુક્રવારે (17 ઓક્ટોબર) સત્તાવાર રીતે મંત્રીમંડળનું વિસ્તરણ કર્યું હતું. ભૂપેન્દ્ર પટેલના નવા મંત્રીમંડળમાં મુખ્યમંત્રી સહિત 26 ચહેરાઓને સ્થાન આપવામાં આવ્યું છે. નવા મંત્રી મંડળમાં ભાવનગર પશ્ચિમના ધારાસભ્ય જીતુભાઈ વાઘાણીએ કેબિનેટ મંત્રીના શપથ લીધા હતા.

જીતુભાઈ વાઘાણી ગુજરાત ભાજપના દિગ્ગજ નેતા છે. તેઓ ગુજરાત ભારતીય જનતા પાર્ટીના પ્રદેશ અધ્યક્ષ તરીકે પણ રહી ચૂક્યા છે. તેઓ આ પહેલા પણ સરકારમાં શિક્ષણ મંત્રી તરીકે હતા. જીતુભાઈ ભાવનગર (પશ્ચિમ) મત વિભાગના ધારાસભ્ય છે.

તેઓ વ્યવસાયે ખેતી અને બાંધકામ સાથે સંકળાયેલા છે. 13મી અને 14 મી ગુજરાત વિધાનસભામાં સભ્ય તરીકે કાર્યરત હતા. 14 મી ગુજરાત વિધાનસભા દરમિયાન તારીખ 16 સપ્ટેમ્બર 2021 થી 09 ડિસેમ્બર 2022 સુધી પ્રાથમિક, માધ્યમિક અને પ્રૌઢ, ઉચ્ચ અને તાંત્રિક શિક્ષણ, વિજ્ઞાન અને પ્રૌદ્યોગિકી વિભાગના મંત્રી તરીકે સેવાઓ આપી હતી.

આ ઉપરાંત 15 મી વિધાનસભાના સભ્ય તરીકે ગુજરાત વિધાનસભાની જાહેર હિસાબ સમિતિના પ્રમુખ તરીકે તારીખ 20 મી એપ્રિલ, 2023 થી કાર્યરત છે. જીતુભાઈ વાઘાણીને વાંચન, સમાજસેવા, લોકસાહિત્ય, રમતગમત, પ્રવાસ તેમને પસંદ છે.

1990 માં તેઓ ભાજપ યુવા મોર્ચામાં હોદ્દો ધરાવતા હતા. બાદમાં 1992 માં યુનિવર્સિટી સેનેટ સભ્ય બન્યા હતા. 1993 તેમને ભાજપ યુવા મોર્ચાના પ્રમુખ બનાવવામાં આવ્યા હતા. 1995માં નગર પ્રાથમિક શિક્ષણ સમિતિના સભ્ય બન્યા હતા.

1998 માં ગુજરાત હાઉસિંગ બોર્ડના ડાયરેક્ટર બન્યા હતા. 1999 માં જીતુભાઈ વાઘાણી શહેર ભાજપમાં સક્રિય ભૂમિકામાં હતા. 2003 ગુજરાત પ્રદેશ ભાજપ યુવા મોર્ચાના પ્રમુખ બન્યા હતા.

2012માં ભાવનગર પશ્ચિમ વિધાનસભા બેઠક પરથી ધારાસભ્ય તરીકે ચૂંટાયા હતા. 2022 પણ ફરી ભાવનગર પશ્ચિમ બેઠક પરથી ધારાસભ્ય તરીકે ચૂંટાયા હતા.