ભારતમાં કયા રાજ્યોના લોકો સૌથી વધુ સોનું ખરીદે છે? જાણો ક્યાં થાય છે સૌથી વધુ ઉત્પાદન

Gold consumption in India: દેશનો સૌથી મોટો 44% ભંડાર બિહારમાં, જ્યારે 80% ઉત્પાદન કર્ણાટકમાં થાય છે.

ભારતમાં સોનું માત્ર એક ઘરેણું નથી, પરંતુ તે આપણી પરંપરા, સંસ્કૃતિ અને રોકાણનો એક અત્યંત મહત્વનો હિસ્સો છે.

દેશમાં જ્યારે સોનાની ખરીદી અને વપરાશની વાત આવે છે, ત્યારે દક્ષિણ ભારતનાં રાજ્યો સૌથી આગળ જોવા મળે છે. બીજી તરફ, જો દેશમાં સોનાના ઉત્પાદન અને જમીનમાં રહેલા ભંડારની વાત કરીએ તો બિહાર અને કર્ણાટક જેવા રાજ્યો મોખરે છે. આ સમાચારમાં આપણે વિગતે જાણીશું કે દેશમાં કયા રાજ્યોના લોકો સૌથી વધુ સોનું પહેરે છે, અને સૌથી વધુ સોનું ક્યાંથી નીકળે છે.

દેશમાં સોનાના વપરાશમાં દક્ષિણ ભારતનો સિંહફાળો છે. અહીંની સંસ્કૃતિમાં સોનાનું અનેરું મહત્વ છે અને મહિલાઓ મોટા પ્રમાણમાં સોનાના દાગીના પહેરવાનું પસંદ કરે છે. લગ્ન, તહેવારો કે કોઈ ખાસ પ્રસંગે સોનું ખરીદવું એ અહીંની પરંપરાનો એક અતૂટ ભાગ છે. ખાસ કરીને કેરળ રાજ્ય સોનાના વપરાશમાં મોટાભાગે પ્રથમ ક્રમે રહે છે. અહીં સોનાની ખરીદીને સામાજિક પ્રતિષ્ઠા અને સાંસ્કૃતિક મૂલ્યો સાથે જોડીને જોવામાં આવે છે.