ટ્રમ્પના એક નિવેદનથી સોનું ભડકે બળ્યું! 10 ગ્રામ ₹24,600 મોંઘું થયું, મકરસંક્રાંતિ પહેલા રેકોર્ડ તેજીથી ગ્રાહકો ચિંતિત

Gold Price Today India: તહેવારો ટાણે જ સોનું અને ચાંદી બંને મોંઘા થયા, અમેરિકા અને ચીન વચ્ચેના ટ્રેડ વોરની આશંકાએ કિંમતો નવી ટોચ પર પહોંચી.

Gold Price Today: મકરસંક્રાંતિ પહેલા સોના અને ચાંદીના ભાવ આસમાને પહોંચ્યા. 2 દિવસમાં સોનું ₹24,600 મોંઘું થયું. જાણો ડોનાલ્ડ ટ્રમ્પના કયા નિર્ણયથી બજારમાં આગ લાગી છે અને આજના લેટેસ્ટ ભાવ.

મકરસંક્રાંતિ, પોંગલ અને માઘ બિહુ જેવા પવિત્ર તહેવારો આડે હવે ગણતરીના દિવસો જ બાકી છે ત્યારે સોના-ચાંદીના ભાવમાં આવેલા તોતિંગ ઉછાળાએ ખરીદદારોની ચિંતામાં વધારો કર્યો છે. ભારતીય બુલિયન માર્કેટમાં શનિવાર, 10 જાન્યુઆરીના રોજ સતત બીજા દિવસે સોનાના ભાવ (Gold Price) માં જબરદસ્ત તેજી જોવા મળી હતી.

માત્ર બે દિવસના ટૂંકા ગાળામાં 100 ગ્રામ સોનાના ભાવમાં કુલ ₹24,600 નો વધારો ઝીંકાયો છે. જ્યારે 10 ગ્રામ સોનાના ભાવમાં ₹2,460 નો વધારો થતાં સોનું ફરી એકવાર તેની સર્વોચ્ચ સપાટી તરફ આગળ વધી રહ્યું છે. તહેવારોની મોસમમાં જ ભાવ વધવાને કારણે જ્વેલરી માર્કેટમાં ઘરાકી પર અસર પડવાની ભીતિ સેવાઈ રહી છે. માત્ર સોનું જ નહીં, પરંતુ ચાંદીના ભાવ (Silver Price) માં પણ છેલ્લા બે દિવસના ઘટાડા બાદ ફરીથી રિકવરી સાથે મોટો ઉછાળો નોંધાયો છે.