લગ્નસરા ટાણે જ ઝટકો: 22 કેરેટ સોનું ₹5,510 મોંઘું થયું! બજેટ ખોરવાયું, જુઓ આજના લેટેસ્ટ ભાવ

ટ્રમ્પની ગ્રીનલેન્ડ ધમકીથી બજારમાં આગઝરતી તેજી જોવા મળી છે. ચાંદીમાં છેલ્લા 10 દિવસમાં ₹60,100 નો રેકોર્ડબ્રેક વધારો થયો છે, જ્યારે સોનું પણ 3 દિવસમાં ₹6,000 મોંઘું થયું છે.

Gold Price Today: ભારતીય બુલિયન માર્કેટ (Bullion Market) માં સોના-ચાંદીની તેજી અટકવાનું નામ નથી લઈ રહી. અમેરિકાના રાષ્ટ્રપતિ ડોનાલ્ડ ટ્રમ્પની આક્રમક ટેરિફ નીતિ અને ગ્રીનલેન્ડ (Greenland) વિવાદને કારણે વૈશ્વિક બજારમાં ગભરાટનો માહોલ છે. જેની સીધી અસર કિંમતી ધાતુઓના ભાવ પર પડી છે. આજે 21 January એ સતત ત્રીજા દિવસે બંને ધાતુઓમાં તોતિંગ ઉછાળો નોંધાયો છે.

છેલ્લા માત્ર 3 દિવસના ટૂંકા ગાળામાં સોનાના ભાવમાં જબરદસ્ત વધારો થયો છે. 24-Carat સોનાના ભાવમાં પ્રતિ 10 Gram ₹6,010 નો જંગી વધારો નોંધાયો છે. જ્યારે દાગીના બનાવવા માટે વપરાતું 22-Carat સોનું પણ ₹5,510 મોંઘું થયું છે. આ વધારાએ સામાન્ય ગ્રાહકોના બજેટ ખોરવી નાખ્યા છે.

સોના કરતાં પણ વધુ આક્રમક તેજી ચાંદી (Silver) માં જોવા મળી રહી છે. દિલ્હીના બજારમાં આજે ચાંદીના ભાવમાં વધુ ₹100 નો વધારો થયો છે. આંકડા ચોંકાવનારા છે કારણ કે છેલ્લા 3 દિવસમાં એક કિલો ચાંદી ₹25,100 મોંઘી થઈ છે. જો છેલ્લા 10 દિવસનો હિસાબ જોઈએ તો ચાંદીના ભાવમાં અધધધ ₹60,100 નો રેકોર્ડબ્રેક વધારો થયો છે.

આજના ભાવ પર નજર કરીએ તો, હાલ રાજધાની દિલ્હીમાં એક કિલો ચાંદી ₹3,20,100 ના ભાવે વેચાઈ રહી છે. જ્યારે દક્ષિણ ભારતમાં ખાસ કરીને ચેન્નાઈમાં આ ભાવ સૌથી વધુ ₹3,40,100 પર પહોંચી ગયો છે, જે અત્યાર સુધીની ઐતિહાસિક સપાટી છે.

આ ભડકા પાછળનું મુખ્ય કારણ અમેરિકા અને યુરોપ વચ્ચેનો તણાવ છે. રાષ્ટ્રપતિ ટ્રમ્પે ગ્રીનલેન્ડ પર અમેરિકાના નિયંત્રણનો વિરોધ કરનારા ડેનમાર્ક, ફ્રાન્સ અને જર્મની જેવા દેશો પર 1 February, 2026 થી 10% ઈમ્પોર્ટ ટેરિફ (Import Tariff) લાદવાની જાહેરાત કરી છે. આ 'ટ્રેડ વોર' (Trade War) ની ભીતિને કારણે રોકાણકારો શેરબજાર છોડીને સુરક્ષિત રોકાણ ગણાતા સોના-ચાંદી તરફ વળ્યા છે.

દેશના મુખ્ય શહેરોમાં સોનાના ભાવમાં પણ મોટો તફાવત જોવા મળી રહ્યો છે. ચેન્નાઈમાં 24 Carat સોનું સૌથી મોંઘું ₹1,51,650 પ્રતિ 10 Gram છે. જ્યારે દિલ્હી, જયપુર અને લખનૌમાં ભાવ ₹1,49,920 બોલાઈ રહ્યો છે. ગુજરાતના અમદાવાદમાં સોનાનો ભાવ ₹1,49,820 અને મુંબઈ-કોલકાતામાં ₹1,49,790 નોંધાયો છે.

ગ્રાહકોએ ખાસ નોંધ લેવી કે ઉપર જણાવેલા ભાવમાં જીએસટી (GST) અને જ્વેલર્સનો મેકિંગ ચાર્જ સામેલ નથી, તેથી શોરૂમમાં ભાવ અલગ હોઈ શકે છે. સોના-ચાંદીમાં હાલ ભારે ઉથલપાથલ હોવાથી રોકાણ કરતા પહેલા બજારના જોખમો તપાસી લેવા હિતાવહ છે.