ચાંદીના ભાવમાં ₹8,900 નો ભારે ઘટાડો! સોનું પણ થયું સસ્તું, જાણો આજના લેટેસ્ટ સોનાના ભાવ

MCX અને દિલ્હી બુલિયન માર્કેટમાં સોના-ચાંદીના ભાવ તૂટ્યા, ચાંદીમાં ₹8,900 સુધીનો ધરખમ ઘટાડો.

જો તમે સોનું કે ચાંદી ખરીદવાનું વિચારી રહ્યા છો, તો તમારા માટે રાહતના સમાચાર આવ્યા છે. છેલ્લા કેટલાક સમયથી સતત વધી રહેલા કિંમતી કિંમતી ધાતુઓના ભાવમાં બુધવારે ફરી એકવાર મોટો ઘટાડો જોવા મળ્યો છે. મંગળવારે બજારમાં જોવા મળેલી તેજી બાદ, આજે મલ્ટી કોમોડિટી એક્સચેન્જ (MCX) થી લઈને દિલ્હીના બુલિયન માર્કેટ સુધી સોના અને ચાંદી બંને સસ્તા થયા છે. ખાસ કરીને ચાંદીના ભાવમાં તીવ્ર કડાકો બોલાતા ગ્રાહકોમાં ખુશીનો માહોલ છે.

બુધવારે સવારે ટ્રેડિંગ દરમિયાન MCX પર સોના અને ચાંદીના ભાવમાં 0.50 ટકાથી વધુનો ઘટાડો નોંધાયો હતો. સવારે 11:54 વાગ્યાની આસપાસ સોનું 0.66 ટકા અને ચાંદી 0.80 ટકા જેટલી ગગડીને ટ્રેડ થઈ રહી હતી.

રૂ. 1,109ના ઘટાડા સાથે સોનું ખુલ્યું: 5 ઓગસ્ટની ડિલિવરી માટેનું સોનું આજે ગઈકાલના બંધ ભાવ રૂ. 1,42,257ની સામે રૂ. 1,109 ઘટીને રૂ. 1,41,148 પર ખુલ્યું હતું. ટ્રેડિંગ દરમિયાન તે રૂ. 1,41,315 પ્રતિ 10 ગ્રામ પર જોવા મળ્યું હતું, જે ઇન્ટ્રાડેમાં નીચલા સ્તરે રૂ. 1,40,740 સુધી ગયું હતું.

ચાંદીના ભાવમાં પણ મોટો કડાકો: 4 સપ્ટેમ્બરની ડિલિવરી માટેની ચાંદી ટ્રેડિંગ દરમિયાન રૂ. 1,788 (0.80%) ઘટીને રૂ. 2,21,401 પર આવી ગઈ હતી. ગઈકાલના બંધ ભાવથી જોતા ચાંદીમાં રૂ. 2,125 સુધીનો ઘટાડો જોવા મળ્યો હતો અને તે દિવસના નીચલા સ્તરે રૂ. 2,21,064 પ્રતિ કિલો સુધી પહોંચી ગઈ હતી.

હાજર બજાર એટલે કે દિલ્હીના બુલિયન માર્કેટમાં પણ સોના-ચાંદીના ભાવમાં મોટો ઘટાડો નોંધાયો છે. મંગળવારે દિલ્હી બજારમાં ચાંદીના ભાવમાં ₹8,900 નો તીવ્ર ઘટાડો જોવા મળ્યો હતો, જેના કારણે સોમવારે રૂ. 2,35,000 પ્રતિ કિલોગ્રામ પર બંધ થયેલી ચાંદી ઘટીને રૂ. 2,26,100 પર આવી ગઈ હતી.

બીજી તરફ, સોનાની વાત કરીએ તો 99.9 ટકા શુદ્ધતાવાળું સોનું પણ રૂ. 700 સસ્તું થયું છે. સોમવારે રૂ. 1,47,000 પ્રતિ 10 ગ્રામ પર બંધ થયેલું સોનું મંગળવારે ઘટીને રૂ. 1,46,300 પ્રતિ 10 ગ્રામ પર આવી ગયું હતું. બજારના જાણકારોના મતે, વૈશ્વિક પરિબળોને કારણે ભાવમાં આ પ્રકારની વધ-ઘટ જોવા મળી રહી છે.