Gold-Silver Price: માત્ર 41 દિવસમાં સોનું ₹22,505 અને ચાંદી ₹1.49 લાખ મોંઘી થઈ! જાણો આજના લેટેસ્ટ ભાવ

રોકાણકારો માટે ખુશખબર: નીચા મથાળે લેવાલી નીકળતા કિંમતી ધાતુઓમાં ફરી તેજીનો ચમકારો ચાંદી ₹2.57 લાખને આંબી ગઈ, 2026 ના શરૂઆતી મહિનામાં જ સોનું ₹22,000 મોંઘું થયું.

Gold-Silver Price: ઝવેરી બજારોમાં છેલ્લા થોડા દિવસોથી જોવા મળતા ઘટાડા બાદ હવે 'બુલિયન માર્કેટ' (Bullion Market) માં ફરી એકવાર સોના અને ચાંદીની ચમક વધી છે. આજે 10 February ના રોજ સતત બીજા દિવસે કિંમતી ધાતુઓના ભાવમાં નોંધપાત્ર સુધારો જોવા મળ્યો છે. ખાસ કરીને ચાંદીના ભાવમાં આવેલી તેજીએ સૌને ચોંકાવી દીધા છે. 'ઈન્ડિયા બુલિયન એન્ડ જ્વેલર્સ એસોસિએશન' (IBJA) ના સત્તાવાર આંકડા મુજબ, માત્ર બે જ દિવસમાં ચાંદીના ભાવમાં ₹12,000 થી વધુનો તોતિંગ વધારો નોંધાયો છે, જે રોકાણકારો માટે રાહતના સમાચાર છે.

આજે બજાર ખુલતાની સાથે જ ચાંદી (Silver) ના ભાવમાં મોટો ઉછાળો આવ્યો હતો. આજે એક કિલો ચાંદીનો ભાવ ₹3,759 વધીને ₹2,57,424 પ્રતિ કિલોગ્રામ પર પહોંચી ગયો છે. ઉલ્લેખનીય છે કે શુક્રવારે આ ભાવ ₹2,44,929 હતો, જેનો સીધો અર્થ છે કે છેલ્લા બે 'ટ્રેડિંગ સેશનમાં' (Trading Session) ચાંદી ₹12,495 મોંઘી થઈ છે. ઔદ્યોગિક માંગ નીકળતા ચાંદીમાં આ તેજી જોવા મળી રહી છે.

ચાંદીની સાથે સાથે પીળી ધાતુ એટલે કે સોના (Gold) માં પણ તેજીનો કરંટ જોવા મળ્યો છે. આજે 24 Carat શુદ્ધ સોનાના 10 Gram (ગ્રામ) નો ભાવ ₹824 વધીને ₹1,55,700 ની સપાટીએ પહોંચ્યો છે. સોમવારે આ ભાવ ₹1,54,876 હતો. સોનાના ભાવમાં આવેલો સુધારો દર્શાવે છે કે નીચા ભાવે ગ્રાહકો ફરીથી બજારમાં ખરીદી કરવા માટે પરત ફર્યા છે.

વર્ષ 2026 ની શરૂઆતથી જ સોના-ચાંદીમાં તેજીનો ટ્રેન્ડ રહ્યો છે, જે આંકડા પરથી સ્પષ્ટ થાય છે. 31 December, 2025 ના રોજ સોનાનો ભાવ ₹1,33,195 હતો, જે વધીને અત્યારે ₹1,55,700 થયો છે. એટલે કે આ નવા વર્ષના દોઢ મહિનામાં જ સોનું ₹22,505 મોંઘું થયું છે. જે દર્શાવે છે કે સોનું હજુ પણ રોકાણકારોની પહેલી પસંદ છે.

ચાંદીના 'YTD પરફોર્મન્સ' (Year to Date Performance) ની વાત કરીએ તો, ચાંદીમાં આ વર્ષે ₹27,004 નો વધારો થયો છે. વર્ષની શરૂઆતમાં ભાવ ₹2,30,420 હતો, જે હવે ₹2.57 Lakh ને પાર કરી ગયો છે. ચાંદીની ગતિ સોના કરતા પણ વધુ તેજ રહી છે. આ પહેલાં ગયા વર્ષે એટલે કે 2025 માં રોકાણકારોને ચાંદીમાં છપ્પરફાડ વળતર મળ્યું હતું. 2025 માં ચાંદીના ભાવમાં 167% નો ઐતિહાસિક વધારો થયો હતો, જ્યારે સોનામાં પણ 75% નું રિટર્ન મળ્યું હતું.

બજારના નિષ્ણાતોનું કહેવું છે કે તાજેતરમાં ભાવમાં 15% નો ઘટાડો જોવા મળ્યો હતો, પરંતુ હવે બજાર સ્થિર થતાં રોકાણકારો 'નીચા મથાળે ખરીદી' (Buying on Dips) ની રણનીતિ અપનાવી રહ્યા છે. જોકે, હાલના વોલેટાઈલ માર્કેટમાં એકસાથે મોટી રકમ રોકવાને બદલે 'ટુકડે-ટુકડે રોકાણ' (Staggered Investment) કરવું વધુ હિતાવહ રહેશે તેમ એક્સપર્ટ્સ માને છે.

Continues below advertisement

ગ્રાહકોએ ખાસ નોંધ લેવી જરૂરી છે કે ઉપર જણાવેલા IBJA ના દરોમાં 'જીએસટી' (GST) અને જ્વેલર્સનો 'મેકિંગ ચાર્જ' (Making Charge) સામેલ હોતા નથી. તેથી જ્યારે તમે તમારા શહેરના જ્વેલર્સ ત્યાં સોનું કે ચાંદી ખરીદવા જશો, ત્યારે આ ભાવમાં તફાવત જોવા મળી શકે છે. આ ભાવ માત્ર શુદ્ધ ધાતુના છે, દાગીનાના ભાવ અલગ હોઈ શકે છે.