8th Pay Commission: ₹30000 કે ₹68000...8માં પગાર પંચમાં કેટલું થશે તમારુ પેન્શન? જુઓ કેલ્ક્યુલેશન

8th Pay Commission: ₹30000 કે ₹68000...8માં પગાર પંચમાં કેટલું થશે તમારુ પેન્શન? જુઓ કેલ્ક્યુલેશન

પ્રતિકાત્મક તસવીર

કેન્દ્ર સરકાર પાસે અંદાજે 69 લાખ પેન્શનરો છે જેમાંથી મોટાભાગનાને જૂની પેન્શન યોજના (OPS) હેઠળ પેન્શન લાભ મળે છે. 8મા પગાર પંચ હેઠળ મોટાભાગના કર્મચારીઓ જૂની પેન્શન યોજના લાગુ કરવાની માંગ કરી રહ્યા છે. વધુમાં હાલમાં જૂની પેન્શન યોજનાનો લાભ મેળવતા કર્મચારીઓ પણ તેમના પેન્શનમાં નોંધપાત્ર વધારો કરવાની માંગ કરી રહ્યા છે.

નિવૃત્ત કર્મચારીઓને આશા છે કે સરકાર તેમની પેન્શન યોજનાઓમાં નોંધપાત્ર વધારો કરી શકે છે. કેટલાક અહેવાલો એવો પણ દાવો કરે છે કે વિવિધ ફિટમેન્ટ પરિબળોના આધારે સરકાર મૂળભૂત લઘુત્તમ પેન્શન ₹30,000 થી વધારીને ₹68,000 કરી શકે છે. ચાલો જાણીએ કે નિવૃત્ત કર્મચારીઓના પગારમાં કેટલો વધારો થઈ શકે છે.

NC-JCM પેન્શન સંગઠને જણાવ્યું છે કે પેન્શન છેલ્લા પગારના 67% હોવું જોઈએ, જ્યારે ફેમિલી પેન્શન 50% હોવું જોઈએ. ઓલ ઈન્ડિયા ડિફેન્સ એમ્પ્લોયીઝ ફેડરેશન (AIDF) માંગ કરી રહ્યું છે કે પેન્શન છેલ્લા પગારના 67% હોવું જોઈએ, જ્યારે ફેમિલી પેન્શન 50% હોવું જોઈએ. ભારત પેન્શનર્સ સમાજ (BPS) લઘુત્તમ પેન્શન ₹45,000, છેલ્લા પગારના 67% અને છેલ્લા પગારના 50% ફેમિલી પેન્શનની માંગ કરે છે.

8મા પગાર પંચ હેઠળ વિવિધ ફિટમેન્ટ ફેક્ટરની માંગ કરવામાં આવી રહી છે. નિવૃત્ત કર્મચારીઓ કમિશન પાસે 2.1, 2.28 અને 2.57 ગણો ફિટમેન્ટ ફેક્ટર નક્કી કરવાની માંગ કરી રહ્યા છે. જો આવું થાય તો નિવૃત્ત કર્મચારીઓના પેન્શનમાં નોંધપાત્ર વધારો થઈ શકે છે.

લેવલ-5 કર્મચારીઓને હાલમાં લઘુત્તમ બેઝિક પેન્શન ₹14,600 મળે છે, પરંતુ 2.1 ફિટમેન્ટ ફેક્ટરના અમલીકરણ સાથે તે વધીને ₹30,660 થઈ શકે છે. તેવી જ રીતે, લેવલ-6 કર્મચારીઓનું પેન્શન ₹37,170, લેવલ-7 કર્મચારીઓનું ₹47,145, લેવલ-8 કર્મચારીઓનું ₹49,980 અને લેવલ-9 કર્મચારીઓનું ₹55,755 થશે.

Continues below advertisement

જો તમે લેવલ-5 કર્મચારી છો અને 8મા પગાર પંચ હેઠળ 2.28 ફિટમેન્ટ ફેક્ટર લાગુ કરવામાં આવે છે તો તમારું ન્યૂનતમ બેઝિક પેન્શન ₹33,288 હશે. તેવી જ રીતે, લેવલ-6 કર્મચારીઓનું ન્યૂનતમ બેઝિક પેન્શન ₹40,356, લેવલ-7 કર્મચારીઓનું ₹51,186, લેવલ-8 કર્મચારીઓનું ₹54,264 અને લેવલ-9 કર્મચારીઓનું ₹60,534 થશે.

જો સરકાર 2.57 ફિટમેન્ટ ફેક્ટરની માંગ સ્વીકારે છે તો લેવલ-5 કર્મચારીઓનું ન્યૂનતમ બેઝિક પેન્શન ₹37522, લેવલ-6 કર્મચારીઓનું ₹45489, લેવલ-7 કર્મચારીઓનું ₹57697, લેવલ-8 કર્મચારીઓનું ₹61166 અને લેવલ-9 કર્મચારીઓનું ₹68,234 થઈ શકે છે.