Gujarat Cyber Crime: રાજ્યમાં સાયબર ગુનાખોરીનો રાફડો ફાટ્યો, 5 વર્ષમાં 30% નો વધારો માત્ર 9 મહિનામાં લોકોએ ₹1,011 કરોડ ગુમાવ્યા

1/5

સરકારી આંકડાઓ મુજબ, છેલ્લા 5 વર્ષમાં રાજ્યમાં સાયબર અપરાધોમાં સીધો 30% નો વધારો નોંધાયો છે. વર્ષ 2025 ના સપ્ટેમ્બર મહિના સુધીના માત્ર 9 મહિનાના ટૂંકા ગાળામાં જ સાયબર અપરાધીઓએ નાગરિકોના કુલ ₹1,011 કરોડ ચાઉં કરી લીધા છે. ઠગબાજો હવે નવી મોડસ ઓપરેન્ડી સાથે ખાસ કરીને રોકાણના બહાને અને ડિજિટલ એરેસ્ટના નામે લોકોને શીશામાં ઉતારી રહ્યા છે.

2/5

પ્રાપ્ત વિગતો અનુસાર, હાલના સમયમાં સૌથી વધુ છેતરપિંડી લોકોને રોકાણ પર ઊંચા વળતરની લાલચ આપીને કરવામાં આવી રહી છે. શેરબજાર, ક્રિપ્ટો કરન્સી કે અન્ય સ્કીમમાં રોકાણના બહાને રાજ્યના 9,240 લોકો ભોગ બન્યા છે, જેમની પાસેથી કુલ ₹397 કરોડની માતબર રકમ પડાવી લેવામાં આવી છે. લોકો લોભમાં આવીને પોતાની મહેનતની કમાણી ગુમાવી રહ્યા છે.

3/5

વર્ષ દર વર્ષે સાયબર ક્રાઈમનો ગ્રાફ ઉપર જઈ રહ્યો છે. વર્ષ 2020 માં રાજ્યમાં રોજના સરેરાશ 155 ઓનલાઈન ગુના નોંધાતા હતા, જે આંકડો વર્ષ 2025 માં વધીને રોજના 521 પર પહોંચી ગયો છે. છેલ્લા 5 વર્ષનો કુલ હિસાબ જોઈએ તો, રાજ્યમાં 4.81 લાખ ફરિયાદો નોંધાઈ છે અને નાગરિકોએ કુલ ₹3,387 કરોડ ગુમાવ્યા છે. જોકે, એકમાત્ર રાહતની વાત એ છે કે પ્રતિ ફરિયાદ સરેરાશ નુકસાનની રકમમાં મોટો તફાવત આવ્યો નથી (2020 માં ₹70,313 સામે 2025 માં ₹71,204).

4/5

રોકાણ ફ્રોડ ઉપરાંત, ડિજિટલ ઓળખની ચોરી અને બેંકિંગ ફ્રોડ પણ યથાવત છે. ગઠિયાઓ બેંક અધિકારી કે અન્ય ઓળખ આપીને, OTP મેળવીને અથવા કાર્ડ ક્લોનિંગ દ્વારા નાગરિકોને નિશાન બનાવી રહ્યા છે. ખોટી ઓળખ આપીને કરવામાં આવેલી છેતરપિંડીમાં 27,816 લોકો ભોગ બન્યા છે અને ₹137 કરોડ ગુમાવ્યા છે.

5/5

સાયબર નિષ્ણાતોના મતે, ગુનેગારોએ હવે તેમની પદ્ધતિ (Modus Operandi) બદલી છે. હવે તેઓ ખાસ કરીને પેન્શનર્સ અને એકલવાયું જીવન જીવતા વૃદ્ધોને નિશાન બનાવી રહ્યા છે. આ ગેંગ લોકોને 'ડિજિટલ એરેસ્ટ' (House Arrest) નો ડર બતાવી, પાર્સલમાં ડ્રગ્સ હોવાનું કહી અથવા CBI/પોલીસના નામે ધમકાવીને વીડિયો કોલ પર બ્લેકમેલ કરે છે. ઘણીવાર શંકાસ્પદ એપ્લિકેશન ડાઉનલોડ કરાવીને મોબાઈલનો કંટ્રોલ મેળવી લેવામાં આવે છે અને વૃદ્ધોની જીવનભરની મૂડી લૂંટી લેવામાં આવે છે.

સમાચાર

મનોરંજન

લાઇફસ્ટાઇલ

એસ્ટ્રો

સ્પોર્ટ્સ

ટેકનોલોજી

ચૂંટણી

ખેતીવાડી

ઓટો

બજેટ 2025

બ્રાન્ડવાયર

Gujarat Cyber Crime: રાજ્યમાં સાયબર ગુનાખોરીનો રાફડો ફાટ્યો, 5 વર્ષમાં 30% નો વધારો; માત્ર 9 મહિનામાં લોકોએ ₹1,011 કરોડ ગુમાવ્યા