ભારે વરસાદથી ભૂજમાં જળબંબાકાર, બસ સ્ટેશન વિસ્તારમાં પાણી ભરાયા

કચ્છમાં પણ ભારે વરસાદ વરસ્યો હતો. કચ્છના રાપરમાં બારે મેઘખાંગા થયા હતા. ગઈકાલથી અત્યાર સુધી રાપરમાં 17 ઈંચ વરસાદ વરસ્યો હતો. આજે સવારે રાપરમાં ચાર કલાકમાં ચાર ઈંચ વરસાદ વરસ્યો હતો.

ભારે વરસાદથી ભૂજમાં જળબંબાકા

કચ્છમાં પણ ભારે વરસાદ વરસ્યો હતો. કચ્છના રાપરમાં બારે મેઘખાંગા થયા હતા. ગઈકાલથી અત્યાર સુધી રાપરમાં 17 ઈંચ વરસાદ વરસ્યો હતો. આજે સવારે રાપરમાં ચાર કલાકમાં ચાર ઈંચ વરસાદ વરસ્યો હતો. રાપરના રસ્તાઓ પાણીમાં ગરકાવ થયા હતા.

રાપરમાં ધોધમાર વરસાદથી સ્થિતિ વિકટ બની હતી. સામખિયાળી-સુરજબારી હાઈવે પર પાણી ફરી વળ્યા હતા. વાગડ પંથકમાં પણ અનેક માર્ગો બંધ થયા હતા. હાઈવે પર પાણી ફરી વળતા વાહન વ્યવહાર પ્રભાવિત થયો હતો.

રાપરમાં ત્રંબો-જેસડા-રવેચી રોડ, રાપર તાલુકાનો ભચાઉ-રામવાવ રોડ, રાપર તાલુકાનો સુવઈ-ગવરીપર રોડ, રાપર તાલુકાનો વામકા-લખાવટ-કરમરિયા રોડ, રાપર તાલુકાનો અજાપર-મોડવદર-મીઢી રોહર રોડ, ભુજ તાલુકાનો તુગા-જુણા રોડ પણ બંધ થયો હતો.

ભારે વરસાદથી ભુજના બસ સ્ટેશન વિસ્તારમાં પાણી ભરાયા હતા. રોડ પાણીમાં ગરકાવ થઈ જતા વાહન ચાલકો અટવાયા હતા. બસ સ્ટેશન વિસ્તારમાં પાણી ભરાતા એસટી બસ સેવા પર અસર થઇ હતી. સ્થાનિકોએ કહ્યું હતું કે ચાવલા ચોક મેન બજારમાં પાણી ભરાયા હતા. આદિપુરમાં પણ અનેક સોસાયટીમાં પાણી ભરાયા છે. હજુ પણ વરસાદ પડી રહ્યો છે.

ગાંધીધામમાં રાત્રીથી શરૂ થયેલો વરસાદ સવારે પણ યથાવત રહ્યો હતો. ગાંધીધામ રેલવે સ્ટેશનમાં ઘૂંટણસમા પાણી ભરાયા હતા. રેલવે સ્ટેશનના પ્લેટફોર્મ સુધી વરસાદના પાણી ભરાયા હતા. રેલવે સ્ટેશનના ગેટ પર કેડસમા પાણીથી હાલાકીનો સામનો કરવો પડ્યો હતો.

મેઘરાજાની તોફાની બેટિંગથી કચ્છના રાપરમાં જનજીવન પ્રભાવિત થયું હતું. રાપરના અનેક વિસ્તારોમાં ઘૂંટણસમા પાણી ભરાયા હતા. શંકરવાડી, તકિયાવાસ, પોલીસ લાઈન વિસ્તાર, મામલતદાર ક્વાર્ટર, તિરુપતિનગર, ગેલીવાડી, સલારીનાકા, ખોડીયાર મંદિર રોડ, દુધડેરી વિસ્તારમાં પાણી ભરાયા હતા.

24 કલાકમાં રાપરમાં 12.48 ઈંચ વરસાદ ખાબક્યો હતો. ભુજ, ભચાઉ અને લખપતમાં 3-3 ઈંચ વરસાદ વરસ્યો હતો. ધોધમાર વરસાદથી રાપરમાં નદી-નાળા છલકાયા હતા. કચ્છમાં આજે સ્કૂલો, આંગણવાડીમાં રજા જાહેર કરાઈ હતી. સામખિયાળી-સુરજબારી હાઈવે પર પાણી ફરી વળ્યા હતા.