કાલે 28 જિલ્લામાં વરસાદ ભુક્કા બોલાવશે; 10 જિલ્લામાં ઓરેન્જ એલર્ટ, 18 જિલ્લામાં યલો એલર્ટ જાહેર

કચ્છ, રાજકોટ, જૂનાગઢ, નવસારી, વલસાડ સહિતના વિસ્તારોમાં ધોધમાર વરસાદની સંભાવના; માછીમારોને દરિયો ન ખેડવા સૂચના.

Gujarat Rain Alert: ગુજરાતમાં મેઘરાજાની સવારી આવી પહોંચી છે, અને હવામાન વિભાગે આવતીકાલે, શુક્રવાર, જૂન 27, રાજ્યના વિવિધ જિલ્લાઓમાં ભારેથી અતિભારે વરસાદની આગાહી કરી છે. આ આગાહીને પગલે, રાજ્યના 10 જિલ્લાઓ માટે ઓરેન્જ એલર્ટ અને 18 જિલ્લાઓ માટે યલો એલર્ટ જાહેર કરવામાં આવ્યું છે.

ઓરેન્જ એલર્ટ વાળા જિલ્લાઓ: હવામાન વિભાગ દ્વારા જાહેર કરાયેલા ઓરેન્જ એલર્ટ મુજબ, આવતીકાલે કચ્છ, રાજકોટ, જૂનાગઢ, નવસારી, વલસાડ, પાટણ, બનાસકાંઠા, સાબરકાંઠા, અરવલ્લી અને મહીસાગર જિલ્લાઓમાં ભારે વરસાદની સંભાવના છે. આ વિસ્તારોમાં તંત્રને એલર્ટ રહેવા અને નાગરિકોને જરૂરી સાવચેતી રાખવા સૂચના આપવામાં આવી છે.

યલો એલર્ટ વાળા જિલ્લાઓ: આ ઉપરાંત, દેવભૂમિ દ્વારકા, જામનગર, પોરબંદર, મોરબી, સુરેન્દ્રનગર, બોટાદ, અમરેલી, ભાવનગર, ગીર સોમનાથ, સુરત, તાપી, ડાંગ, નર્મદા, છોટા ઉદેપુર, પંચમહાલ, દાહોદ, મહેસાણા અને ગાંધીનગર જિલ્લાઓમાં પણ ભારે વરસાદનું યલો એલર્ટ જાહેર કરવામાં આવ્યું છે. આ જિલ્લાઓમાં પણ મેઘમહેર થવાની શક્યતા છે.

જૂન 28 ની આગાહી: જૂન 28 ના રોજ રાજ્યમાં કચ્છ-સૌરાષ્ટ્રમાં વરસાદનું સૌથી વધુ જોર જોવા મળશે. આ દિવસે કચ્છ, મોરબી, દેવભૂમિ દ્વારકા, જામનગર, પાટણ અને બનાસકાંઠા જિલ્લાઓ માટે ઓરેન્જ એલર્ટ જાહેર કરવામાં આવ્યું છે, જે સૂચવે છે કે આ વિસ્તારોમાં ભારેથી અતિભારે વરસાદ પડી શકે છે.

આ ઉપરાંત, સુરેન્દ્રનગર, રાજકોટ, બોટાદ, અમરેલી, ભાવનગર, જૂનાગઢ, પોરબંદર, ગીર સોમનાથ, મહેસાણા, સાબરકાંઠા, નવસારી અને વલસાડ જિલ્લાઓ માટે યલો એલર્ટ જાહેર કરવામાં આવ્યું છે, જ્યાં ભારે વરસાદની સંભાવના છે.

જૂન 29 થી જુલાઈ 1 ની આગાહી: જૂન 29 થી જુલાઈ 1 દરમિયાન રાજ્યમાં વરસાદનું જોર વધુ વ્યાપક બનશે. આ સમયગાળામાં કચ્છ, અમરેલી, ભાવનગર, ગીર સોમનાથ, નર્મદા, છોટા ઉદેપુર, તાપી, ડાંગ, નવસારી, વલસાડ, મહીસાગર, દાહોદ અને સુરત જિલ્લાઓમાં ધોધમાર વરસાદની આગાહી કરવામાં આવી છે.