Gujarat Rain Forecast: આગામી 3 કલાક રાજ્યના 8 જિલ્લા માટે ભારે; અતિભારે વરસાદની આગાહી, જાણો લેટેસ્ટ અપડેટ

Gujarat Rain Alert: હવામાન વિભાગ દ્વારા સુરેન્દ્રનગર, મોરબી, તાપી, સુરત, નર્મદા, કચ્છ, ભાવનગર અને અમરેલીને સાવચેત રહેવા સૂચના; રાજ્યના મોટાભાગના વિસ્તારોમાં યલો એલર્ટ જાહેર.

Rain Alert: ગુજરાત રાજ્યમાં આગામી ત્રણ કલાક માટે હવામાન વિભાગ દ્વારા ભારે વરસાદની આગાહી કરવામાં આવી છે.

સાંજના 7 વાગ્યા સુધી રાજ્યના 8 જિલ્લાઓમાં 'ઓરેન્જ એલર્ટ' જાહેર કરવામાં આવ્યું છે, જે દર્શાવે છે કે આ વિસ્તારોમાં અતિભારે વરસાદની શક્યતા છે અને નાગરિકોએ સાવચેતી રાખવી જરૂરી છે.

આગામી ત્રણ કલાક માટે 'ઓરેન્જ એલર્ટ' ધરાવતા જિલ્લાઓમાં સુરેન્દ્રનગર, મોરબી, તાપી, સુરત, નર્મદા, કચ્છ, ભાવનગર અને અમરેલીનો સમાવેશ થાય છે. આ જિલ્લાઓમાં અતિભારે વરસાદ પડવાની શક્યતા છે ત્યારે ત્યાં રહેતા લોકોને ખાસ કરીને નીચાણવાળા વિસ્તારોમાં સાવચેત રહેવા અને જરૂરી સલામતીના પગલાં લેવા વિનંતી કરવામાં આવી છે.

આ ઉપરાંત, રાજ્યના અન્ય ઘણા જિલ્લાઓમાં 'યલો એલર્ટ' જાહેર કરવામાં આવ્યું છે, જે સૂચવે છે કે આ વિસ્તારોમાં મધ્યમથી ભારે વરસાદ પડી શકે છે. યલો એલર્ટ ધરાવતા જિલ્લાઓમાં બનાસકાંઠા, જામનગર, દેવભૂમિ દ્વારકા, રાજકોટ, પોરબંદર, જુનાગઢ, ગીર સોમનાથ, દીવ, બોટાદ, અમદાવાદ, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, મહિસાગર, પંચમહાલ, દાહોદ, છોટા ઉદેપુર, આણંદ, વડોદરા, ભરૂચ, ડાંગ, નવસારી, વલસાડ, દમણ અને દાદરા નગરહવેલીનો સમાવેશ થાય છે.

ગુજરાત રાજ્યમાં આગામી સાત દિવસ સુધી વરસાદી માહોલ જળવાઈ રહેવાની શક્યતા છે, તેવી આગાહી હવામાન વિભાગ દ્વારા કરવામાં આવી છે. હાલ દક્ષિણ ગુજરાતમાં સક્રિય થયેલા અપર એર સરક્યુલેશનના કારણે રાજ્યના વિવિધ ભાગોમાં વરસાદની સંભાવના છે.

સમગ્ર રાજ્યમાં વરસાદી માહોલ સક્રિય બન્યો છે અને નાગરિકોને હવામાન વિભાગ દ્વારા જારી કરવામાં આવેલી સૂચનાઓનું પાલન કરવા અને સાવચેતી રાખવા અપીલ કરવામાં આવી છે.