જો તમે ટ્રેન ચૂકી જાઓ તો એ જ ટિકિટ પર બીજી ટ્રેનમાં મુસાફરી કરી શકો? જાણો રેલવેનો નિયમ

જો તમે ટ્રેન ચૂકી જાઓ તો એ જ ટિકિટ પર બીજી ટ્રેનમાં મુસાફરી કરી શકો? જાણો રેલવેનો નિયમ

પ્રતિકાત્મક તસવીર

ભારતીય રેલવે નેટવર્કને દેશની લાઈફલાઈન માનવામાં આવે છે, જે દરરોજ લાખો લોકોને તેમના ગંતવ્ય સ્થાન સુધી પહોંચાડે છે. આપણે ઘણીવાર ટ્રેન પકડવા માટે ઘરેથી વહેલા નીકળી જઈએ છીએ જેથી ટ્રાફિક અથવા અનિચ્છનીય વિલંબથી આપણી મુસાફરીમાં વિક્ષેપ ન પડે. પરંતુ બધી સાવચેતી રાખવા છતાં ક્યારેક આપણે દુર્ભાગ્યે ટ્રેન ચૂકી જઈએ છીએ. આવી સ્થિતિમાં, મુસાફરોના મનમાં પહેલો પ્રશ્ન એ આવે છે કે શું આ ટિકિટનો ઉપયોગ બીજી ટ્રેનમાં થઈ શકે છે? ભારતીય રેલવેના નિયમો અનુસાર, આ પ્રશ્નનો જવાબ તમારી ટિકિટના વર્ગ પર આધાર રાખે છે.

ટ્રેન ચૂકી ગયા પછી તે જ ટિકિટ પર બીજી ટ્રેનમાં મુસાફરી કાયદેસર અને તકનીકી રીતે જટિલ છે. સામાન્ય અને અનામત ટિકિટ માટે નિયમો સંપૂર્ણપણે અલગ છે. જો તમારી પાસે સામાન્ય વર્ગની ટિકિટ હોય તો તમારી પાસે મર્યાદિત વિકલ્પ છે. તમે તે જ રૂટ પર ચાલતી બીજી પેસેન્જર ટ્રેનમાં મુસાફરી કરી શકો છો, પરંતુ સમય મર્યાદા છે.