દિલ્હીમાં કોલ્ડવેવનો કહેર, હવામાન વિભાગે આ રાજ્યોમાં આપ્યું એલર્ટ, જાણો

દિલ્હીમાં કોલ્ડવેવનો કહેર, હવામાન વિભાગે આ રાજ્યોમાં આપ્યું એલર્ટ, જાણો

પ્રતિકાત્મક તસવીર

હવામાન વિભાગના જણાવ્યા અનુસાર દિલ્હી, યુપી, પંજાબ, હરિયાણા, રાજસ્થાન, બિહાર, ઝારખંડ સહિત અન્ય ઘણા રાજ્યોમાં હવામાન બદલાશે. હવે ઠંડીની સાથે સાથે ધુમ્મસ પણ અહીં લોકોની મુશ્કેલીમાં વધારો કરશે.

પહાડી વિસ્તારોમાંથી આવતા ઠંડા પવનોને કારણે રાષ્ટ્રીય રાજધાની દિલ્હીનું તાપમાન ઘટી રહ્યું છે. હવામાન વિભાગે અહીં કોલ્ડવેવને લઈને બે દિવસનું એલર્ટ જાહેર કર્યું છે.

વેધર સ્ટેશન સફદરજંગ ખાતે લઘુત્તમ તાપમાન 4.9 ડિગ્રી સેલ્સિયસ અને પાલમમાં લઘુત્તમ તાપમાન 6.2 ડિગ્રી સેલ્સિયસ નોંધાયું હતું. હવે એવો સમય આવી ગયો છે જ્યારે દિલ્હીમાં કડકડતી ઠંડી પડશે.

હવામાન વિભાગે 12 અને 13 ડિસેમ્બરે દિલ્હીના ઘણા વિસ્તારોમાં કોલ્ડવેવની આગાહી કરી છે, જેના માટે યલો એલર્ટ જારી કરવામાં આવ્યું છે. સવાર-સાંજ ધુમ્મસ રહેવાની પણ શક્યતા છે.

વેસ્ટર્ન ડિસ્ટર્બન્સના કારણે બિહાર-ઝારખંડમાં અત્યંત ઠંડી છે. અનેક જિલ્લાઓમાં હળવા વરસાદને કારણે ઠંડીમાં વધારો થયો છે. પટના, ભોજપુર, અરવલ સહિત ઘણા રાજ્યોમાં ગાઢ ધુમ્મસની સંભાવના છે.

પહાડી રાજ્યોમાં થઈ રહેલી હિમવર્ષાના કારણે ઉત્તર પ્રદેશમાં પણ ઠંડી અને ધુમ્મસ યથાવત છે. સહારનપુર, મુરાદાબાદ, બરેલી સહિત રાજ્યના અનેક જિલ્લાઓમાં તોફાનની ચેતવણી જારી કરવામાં આવી છે.

પંજાબમાં પણ ઠંડીમાં નોંધપાત્ર વધારો થયો છે. ચંદીગઢ હવામાન વિભાગે રાજ્યના 11 જિલ્લામાં કોલ્ડ વેવનું યલો એલર્ટ જાહેર કર્યું છે. રાજસ્થાનના હિલ સ્ટેશન માઉન્ટ આબુમાં પારો 0 ° પર પહોંચી ગયો છે.

જયપુર, જોધપુર, અજમેર, કોટા અને બિકાનેર ડિવિઝનના જિલ્લાઓમાં શીત લહેરની સૌથી વધુ અસર જોવા મળી હતી. કેરળ અને કર્ણાટકમાં 12 ડિસેમ્બર સુધી ભારે વરસાદની ચેતવણી આપવામાં આવી છે.