તમારી પાસે એક કરતાં વધુ મતદાર કાર્ડ હશે તો થશે આટલી સજા, જાણો મતદાર કાર્ડને લઈ શું છે નિયમો

ભારતમાં કોઈપણ વ્યક્તિ માટે એકથી વધુ મતદાર કાર્ડ રાખવા એ કાયદાકીય ગુનો છે.

ઘણા લોકો અજાણતામાં અથવા જાણકારીના અભાવે અલગ-અલગ સરનામાં પર બે મતદાર કાર્ડ બનાવી લે છે, પરંતુ આમ કરવાથી ગંભીર પરિણામો ભોગવવા પડી શકે છે. ભારતના ચૂંટણી પંચના નિયમો અનુસાર, નાગરિકનું નામ ફક્ત એક જ વિધાનસભા મતવિસ્તારની મતદાર યાદીમાં હોવું જોઈએ. જો કોઈ વ્યક્તિ આ નિયમનો ભંગ કરે, તો તેને જેલ અને દંડ બંનેની સજા થઈ શકે છે.

ભારતમાં દરેક નાગરિકને માત્ર એક જ માન્ય મતદાર કાર્ડ રાખવાની પરવાનગી છે. જો કોઈ વ્યક્તિ બે અલગ-અલગ સરનામાં અથવા રાજ્યોમાં મતદાર કાર્ડ ધરાવે છે, તો તે એક ગંભીર ગુનો માનવામાં આવે છે.

આ કૃત્ય લોક પ્રતિનિધિત્વ અધિનિયમની કલમ 17 અને 31 તેમજ BNS ની કલમ 182 હેઠળ ગુનો બને છે, જેમાં 1 મહિનાથી લઈને 5 વર્ષ સુધીની જેલ અથવા દંડ અથવા બંનેની સજા થઈ શકે છે. જો તમારી પાસે ભૂલથી બે કાર્ડ બની ગયા હોય, તો તમે ફોર્મ 7 ભરીને જૂનું કાર્ડ રદ કરાવી શકો છો, જેથી કાયદેસરની મુશ્કેલીઓથી બચી શકાય.

ભારતમાં મતદાર કાર્ડ એ માત્ર મતદાન કરવા માટેનો દસ્તાવેજ નથી, પરંતુ એક મહત્વપૂર્ણ ઓળખ પત્ર પણ છે. 18 વર્ષથી વધુ ઉંમરના દરેક ભારતીય નાગરિક માટે મતદાર કાર્ડ મેળવવું અને રાખવું જરૂરી છે. પરંતુ આ અંગે કેટલાક કડક નિયમો પણ લાગુ પડે છે, જેનું પાલન કરવું દરેક નાગરિક માટે ફરજિયાત છે.

ભારતીય કાયદા અનુસાર, કોઈપણ વ્યક્તિનું નામ એક જ સમયે એકથી વધુ મતદાર યાદીમાં નોંધાયેલું હોવું જોઈએ નહીં. જો કોઈ વ્યક્તિ પાસે બે મતદાર કાર્ડ મળી આવે, તો તે છેતરપિંડી અને કાયદાનો ભંગ ગણાય છે. આ કૃત્ય લોક પ્રતિનિધિત્વ અધિનિયમ, 1950 ની કલમ 17 અને 31 હેઠળ તેમજ ભારતીય ન્યાય સંહિતા (BNS) ની કલમ 182 હેઠળ ગંભીર ગુનો બને છે. જો કોઈ વ્યક્તિ આ ગુનામાં દોષિત ઠરે છે, તો તેને 1 મહિનાથી લઈને 5 વર્ષ સુધીની જેલની સજા, આર્થિક દંડ અથવા બંનેની સજા થઈ શકે છે.

ઘણી વાર એવું બને છે કે લોકો નોકરી કે અભ્યાસ માટે એક શહેરમાંથી બીજા શહેરમાં જાય છે અને નવા સરનામે નવું મતદાર કાર્ડ બનાવી લે છે, પરંતુ જૂના સરનામે નોંધાયેલું કાર્ડ રદ કરાવતા નથી. જો તમારી સાથે પણ આવું થયું હોય અને તમારી પાસે અજાણતામાં બે કાર્ડ બન્યા હોય, તો તમારે ગભરાવાની જરૂર નથી. ચૂંટણી પંચે આ સમસ્યાના નિવારણ માટે એક સરળ પ્રક્રિયા નક્કી કરી છે.

તમે તમારું જૂનું મતદાર કાર્ડ રદ કરાવવા માટે ફોર્મ 7 ભરી શકો છો. આ ફોર્મમાં તમારે કયું કાર્ડ રદ કરાવવા માંગો છો અને તેના કારણો સ્પષ્ટપણે જણાવવાના રહેશે. આ સાથે જરૂરી દસ્તાવેજો પણ જમા કરાવવાના રહેશે. પ્રક્રિયા પૂર્ણ થયા બાદ, ચૂંટણી પંચના રેકોર્ડમાં સુધારો કરવામાં આવશે અને તમારી પાસે ફક્ત એક જ માન્ય મતદાર કાર્ડ રહેશે, જેથી તમે ભવિષ્યમાં કોઈપણ કાયદાકીય કાર્યવાહીથી બચી શકો.