Surat News: સુરતમાંથી નકલી ઘી બનાવતી ફેક્ટરી ઝડપાઈ, 2 હજાર કિલોથી વધુ નકલી ઘી જપ્ત

સુરત શહેરમાંથી નકલી ઘી બનાવતી ફેક્ટરી ઝડપાઈ છે. પોલીસે 2 હજાર કિલોથી વધુ નકલી ઘીનો જથ્થો જપ્ત કર્યો છે.

નકલી ઘી બનાવતી ફેક્ટરી ઝડપાઈ

સુરત: ડાયમંડ સિટી સુરત નકલી ખાદ્ય પદાર્થોનું હબ બની રહ્યું છે. બાતમીના આધારે SOG અને આરોગ્ય વિભાગે સંયુક્તરીતે દરોડા પાડીને નકલી ઘી બનાવવાની ફેક્ટરી ઝડપી પાડી છે. સચિન GIDC વિસ્તારના લક્ષ્મીપાર્ક સામેની ફેક્ટરીમાં દરોડા પાડીને બે હજાર કિલોથી વધુ નકલી ઘીનો જથ્થો જપ્ત કરવામાં આવ્યો છે.

સ્થળ પરથી SOG અને આરોગ્ય વિભાગે નકલી ઘી બનાવવા માટે વપરાતી મશીનરી, રોમટિરિયલ, મોબાઈલ અને રોકડ સહિત કુલ 36.36 લાખથી વધુનો મુદ્દામાલ જપ્ત કર્યો.