વેકેશનમાં જવું છે અંતરિક્ષમાં ? જાણો કેટલા કરોડમાં મળી રહી છે સ્પેસની ટિકીટ અને કઇ રીતે થશે બુકિંગ

જો તમે અવકાશમાં ફરવાનું વિચારી રહ્યા છો તો તમારું સપનું સાચું પડી શકે છે પરંતુ તે ખૂબ મોંઘું હશે ચાલો જાણીએ અવકાશ યાત્રાની ટિકિટનો ભાવ

તસવીરઃ એબીપી અસ્મિતા

જો તમે થોડી મિનિટો માટે અવકાશનો નજારો જોવા માંગો છો તો સબઓર્બિટલ ફ્લાઈટ્સ તમારા માટે જ છે રિચાર્ડ બ્રેન્સનની કંપની વર્જિન ગેલેક્ટિક તેના નવા સ્પેસપ્લેન દ્વારા મુસાફરી કરાવે છે જેની એક સીટની કિંમત લગભગ 6.2 કરોડ રૂપિયા છે

જ્યારે જેફ બેઝોસની કંપની બ્લુ ઓરિજિન પોતાના ન્યૂ શેપર્ડ રોકેટથી અવકાશની સફર કરાવે છે જેની ટિકિટની અંદાજિત કિંમત 1.6 કરોડથી 2.5 કરોડ રૂપિયાની વચ્ચે છે આ યાત્રામાં તમને થોડી મિનિટોનો જ અનુભવ મળે છે

સબઓર્બિટલ ફ્લાઇટ્સ હેઠળ અવકાશયાન પૃથ્વીના વાતાવરણની બહાર લગભગ 80 થી 100 કિલોમીટરની ઊંચાઈ સુધી જાય છે અહીંથી મુસાફરોને પૃથ્વીની ગોળાઈ સ્પષ્ટ દેખાય છે અને તેઓ અવકાશના ગાઢ અંધકારને જોઈ શકે છે

આ ઉપરાંત જે લોકો ઓછા બજેટમાં આ રોમાંચનો અનુભવ કરવા માંગે છે તેમના માટે વર્લ્ડ વ્યૂ અને હેલો સ્પેસ જેવી કંપનીઓ છે આ કંપનીઓ ખાસ હાઈએલ્ટિટ્યુડ બલૂન્સની મદદથી 30 થી 40 કિલોમીટરની ઊંચાઈ સુધી લઈ જાય છે જેનો ખર્ચ 40 લાખથી એક કરોડ વીસ લાખ રૂપિયા સુધી આવે છે

જો તમે અવકાશ સ્ટેશનમાં થોડા દિવસો વિતાવવા માંગતા હો તો તમારે ઓર્બિટલ યાત્રાનો વિકલ્પ જોવો પડશે એલન મસ્કની કંપની સ્પેસએક્સ તેના ક્રૂ ડ્રેગન સ્પેસક્રાફ્ટ દ્વારા આવી લાંબી યાત્રાઓ કરાવે છે જેનો પ્રતિયાત્રી ખર્ચ 50 કરોડ રૂપિયાથી શરૂ થાય છે

જ્યારે કે એક્સિયમ સ્પેસ કંપની યાત્રીઓને ઇન્ટરનેશનલ સ્પેસ સ્ટેશન પર લઈ જાય છે આ સફરમાં લગભગ બે અઠવાડિયાનું રોકાણ અને એક વર્ષની કડક સૈન્ય સ્તરની તાલીમ શામેલ હોય છે આ મહાસફરનો કુલ ખર્ચ પ્રત્યેક વ્યક્તિ દીઠ આશરે 580 કરોડ રૂપિયા સુધી થાય છે

ઓર્બિટલ યાત્રાઓ અત્યંત જટિલ અને તકનીકી રીતે પડકારજનક હોય છે કારણ કે તેમાં અવકાશયાન પૃથ્વીની કક્ષામાં ચક્કર લગાવે છે આ સફર માટે યાત્રીઓને શારીરિક અને માનસિક રીતે સંપૂર્ણપણે તૈયાર કરવામાં આવે છે આ જ કારણ છે કે તેનો ખર્ચ કરોડો ડોલરમાં થાય છે

અવકાશ પર્યટનની રેસમાં હવે ભારત પણ પાછળ નથી ભારતની એક ખાનગી કંપની સ્પેસ ઓરા એરોસ્પેસ ટેકનોલોજી આ દિશામાં ઝડપથી કામ કરી રહી છે આ સ્વદેશી કંપનીનો ઉદ્દેશ્ય ખાસ બલૂન ફ્લાઇટ સાથે જોડાયેલા કેપ્સ્યુલ દ્વારા સામાન્ય મુસાફરોને અવકાશની ધાર સુધી લઈ જવાનો છે સારી વાત એ છે કે તેનો અંદાજિત ખર્ચ લગભગ 50 લાખ રૂપિયા રાખવાની યોજના છે