2025 છે રિટાયરમેન્ટનું વર્ષ, વિરાટ-રોહિત સહિત આ 5 દિગ્ગજોએ લીધો સંન્યાસ, જુઓ લિસ્ટ

રોહિત શર્માએ 7 મેના રોજ ટેસ્ટ ફોર્મેટમાંથી નિવૃત્તિ લીધી હતી. તેમના ગયા બાદ, ટેસ્ટ કેપ્ટનશીપ શુભમન ગીલને સોંપવામાં આવી છે

(તસવીર- એબીપી લાઇવ)

Cricketers Retired in 2025: હવે પાંચ દિગ્ગજોએ વર્ષ 2025 માં નિવૃત્તિની જાહેરાત કરીને બધાને આશ્ચર્યચકિત કરી દીધા છે. આમાં રોહિત શર્મા અને વિરાટ કોહલીના નામનો સમાવેશ થાય છે.

૨૦૨૫નું વર્ષ અત્યાર સુધી નિવૃત્તિનું વર્ષ સાબિત થયું છે. કેટલાકે ટેસ્ટ ફોર્મેટને તો કેટલાકે ODI ફોર્મેટને અલવિદા કહી દીધું છે. ૨૦૨૫માં અત્યાર સુધી નિવૃત્તિ લેનારા ૫ ક્રિકેટરો પર એક નજર અહીં છે.

વિરાટ કોહલીએ ૧૨ મેના રોજ ટેસ્ટ ક્રિકેટમાંથી નિવૃત્તિ લીધી હતી. ટીમ ઈન્ડિયાના ઈંગ્લેન્ડ પ્રવાસ પહેલા જ તેણે નિવૃત્તિ લઈને બધાને આશ્ચર્યચકિત કરી દીધા હતા. વિરાટે ૧૨૩ ટેસ્ટ મેચની કારકિર્દીમાં ૯,૨૩૦ રન બનાવ્યા હતા. વિરાટ ટી૨૦ ક્રિકેટમાંથી નિવૃત્તિ લઈ ચૂક્યો છે.

રોહિત શર્માએ 7 મેના રોજ ટેસ્ટ ફોર્મેટમાંથી નિવૃત્તિ લીધી હતી. તેમના ગયા બાદ, ટેસ્ટ કેપ્ટનશીપ શુભમન ગીલને સોંપવામાં આવી છે. રોહિતે તેની 67 ટેસ્ટ મેચ કારકિર્દીમાં 4,301 રન બનાવ્યા હતા.

આ વર્ષે ચેમ્પિયન્સ ટ્રોફી શરૂ થાય તે પહેલાં જ સ્ટીવ સ્મિથે ODI ફોર્મેટમાંથી નિવૃત્તિ લીધી હતી. સ્મિથે 170 મેચની ODI કારકિર્દીમાં 5,800 રન બનાવ્યા હતા. સ્મિથે હજુ સુધી T20 અને ટેસ્ટ ક્રિકેટમાંથી નિવૃત્તિ લીધી નથી.

ગ્લેન મેક્સવેલે 2 જૂનના રોજ ODI ક્રિકેટમાંથી નિવૃત્તિ લીધી. એક મહાન ઓલરાઉન્ડર તરીકે પોતાને સ્થાપિત કરનાર મેક્સવેલે 149 ODI મેચોમાં 3,990 રન બનાવ્યા અને બોલિંગમાં 77 વિકેટ પણ લીધી.

દક્ષિણ આફ્રિકાના દિગ્ગજ ખેલાડી હેનરિક ક્લાસેન 33 વર્ષની ઉંમરે આંતરરાષ્ટ્રીય ક્રિકેટમાંથી નિવૃત્તિ લઈ ચૂક્યા છે. ક્લાસેન 2024 માં તેની ટેસ્ટ કારકિર્દીનો અંત લાવ્યા હતા, હવે તેણે ODI અને T20 ફોર્મેટમાંથી પણ નિવૃત્તિ લઈ લીધી છે.