ICC Mens T20 World Cup 2026: નેધરલેન્ડ સામે માંડ માંડ જીત્યું પાકિસ્તાન, 19મી ઓવરમાં મેચ પલટાઈ

ICC Mens T20 World Cup 2026: T20 વર્લ્ડ કપ 2026 ની શરૂઆત ધમાકેદાર રીતે થઈ છે. પાકિસ્તાન અને નેધરલેન્ડ વચ્ચેનો મુકાબલો છેલ્લી ઓવર સુધી ચાલ્યો. એક સમયે પાકિસ્તાનની હાર નિશ્ચિત લાગતી હતી.

T20 વર્લ્ડ કપ 2026

કોલંબોમાં રમાયેલી આ મેચમાં, નેધરલેન્ડ્સે પ્રથમ બેટિંગ કરીને પાકિસ્તાનને 148 રનનો ટાર્ગેટ આપ્યો હતો. જવાબમાં પાકિસ્તાનની શરૂઆત ખરાબ રહી. વચ્ચેની ઓવરોમાં વિકેટો પડતી રહેતાં પાકિસ્તાન ટીમ મુશ્કેલીમાં મુકાઈ હતી. પરંતુ અંતે પાકિસ્તાન 7 વિકેટ ગુમાવીને ટાર્ગેટને પુરૂ કર્યું.

પાકિસ્તાને ટોસ જીતીને પહેલા બોલિંગ કરવાનો નિર્ણય લીધો હતો. નેધરલેન્ડ્સ તરફથી કેપ્ટન સ્કોટ એડવર્ડ્સે સૌથી વધુ 37 રન બનાવ્યા.

બેટિંગમાં, પાકિસ્તાન તરફથી સાહિબજાદા ફરહાને સૌથી વધુ 47 રન બનાવ્યા, જ્યારે સેમ અયુબે 24 રન બનાવ્યા. જોકે, પાકિસ્તાનનો મધ્યમ ક્રમ સંપૂર્ણપણે નિષ્ફળ રહ્યો. એક સમયે, પાકિસ્તાનનો સ્કોર 98/3 હતો, પરંતુ તે ઝડપથી 100/5 થયો.

શાદાબ ખાન (8), મોહમ્મદ નવાઝ (6) અને આગા સલમાન (12) રન બનાવીને ફ્લોપ રહ્યા. બાબર આજમ 18 બોલમાં માત્ર 15 રન એને ઉસ્માન ખાન શૂન્ય પર આઉટ થયો.

ફહીમ અશરફ માત્ર 11 બોલમાં 29 રન બનાવીને પાકિસ્તાનને વિજય અપાવ્યો. T20 વર્લ્ડ કપની પહેલી મેચમાં રોમાંચક જોવા મળતા ક્રિકેટ ચાહકોનો ઉત્સાહ વધી ગયો છે.

Continues below advertisement