IPL 2025 ફાઇનલની મજા નહીં બગાડી શકે વરસાદ, આ ખાસ તૈયારી સાથે રમાશે આજની મેચ

વરસાદ પછી પણ ફાઇનલ મેચ રમાશે. કારણ કે BCCI એ આ માટે રિઝર્વ ડે રાખ્યો છે

(તસવીર- એબીપી લાઇવ)

IPL 2025 ની ફાઇનલ 3 જૂને નરેન્દ્ર મોદી સ્ટેડિયમમાં રમાશે. જો આ મેચમાં વરસાદ પડે તો પણ મેચ પૂર્ણ કરવામાં કોઈ સમસ્યા નહીં આવે. BCCI એ આ માટે ખાસ તૈયારીઓ કરી છે. IPL 2025 ફાઇનલ માટે BCCI ની ખાસ તૈયારી

IPL 2025 ની ફાઇનલ 3 જૂને અમદાવાદના નરેન્દ્ર મોદી સ્ટેડિયમમાં રમાશે. BCCI એ આ મેચ માટે ખાસ તૈયારીઓ કરી છે. જો આ મેચમાં વરસાદ પડે તો પણ મેચ સંપૂર્ણપણે રમાશે. જાણો અહીં કેવી રીતે?

IPL 2025 પ્લેઓફ મેચ માટે BCCI એ રાત્રે 11:56 વાગ્યે 5 ઓવરની મેચ માટે કટઓફ સમય નક્કી કર્યો છે. જો આ પહેલા વરસાદને કારણે મેચ શરૂ ન થઈ શકે, તો મેચ રદ માનવામાં આવશે. પરંતુ ફાઇનલમાં આવું થશે નહીં.

વરસાદ પછી પણ ફાઇનલ મેચ રમાશે. કારણ કે BCCI એ આ માટે રિઝર્વ ડે રાખ્યો છે. આનો અર્થ એ થયો કે જો મેચ 3 જૂને પૂર્ણ ન થાય તો મેચ 4 જૂને રમાશે.

રોયલ ચેલેન્જર્સ બેંગ્લોરે ક્વોલિફાયર 1 માં પંજાબ કિંગ્સને હરાવીને ફાઇનલમાં જગ્યા બનાવી લીધી છે. વળી, મુંબઈ ઇન્ડિયન્સે એલિમિનેટરમાં ગુજરાત ટાઇટન્સને હરાવીને ક્વોલિફાયર-2 માં જગ્યા બનાવી હતી.

RCB સામે હાર્યા બાદ પંજાબને પોઈન્ટ ટેબલ પર ટોપ-2 માં સ્થાન મેળવવાનો ફાયદો મળ્યો હતો. પંજાબને ફાઇનલમાં જગ્યા બનાવવાની બીજી તક મળી અને રવિવારની બીજી ક્વોલિફાયરમાં પંજાબે મુંબઈને હરાવી દીધું.

મુંબઈને હરાવીને પંજાબ ફાઇનલમાં પહોંચી, હવે પંજાબ ટીમ ૩ જૂને આજે ફાઇનલમાં RCB સામે ટકરાશે. આજે RCB અને પંજાબ વચ્ચે જે પણ જીતશે તે તેની પહેલી ટ્રોફી જીતશે.