બેંગ્લુરું અને પંજાબની ક્વૉલિફાયર-1 માં આ 5 ખેલાડીઓ પર રહેશે નજર, એકલા હાથે પલટી શકે છે મેચ

આરસીબીનો વિકેટકીપર બેટ્સમેન જીતેશ શર્મા શાનદાર ફોર્મમાં છે. તેણે મંગળવારે લખનૌ સુપર જાયન્ટ્સ સામે 85 રન બનાવીને ક્વોલિફાયર 1 માં પોતાની ટીમનું સ્થાન સુનિશ્ચિત કર્યું

(તસવીર- એબીપી લાઇવ)

૨૯ મે, ગુરુવારના રોજ પંજાબ કિંગ્સ અને રોયલ ચેલેન્જર્સ બેંગ્લોર વચ્ચે ક્વોલિફાયર ૧ રમાશે. આ મેચ ચંદીગઢના મુલ્લાનપુરમાં રમાશે. આ મેચમાં વિરાટ કોહલી સહિત આ ૫ ખેલાડીઓ પર નજર રહેશે. જેમની પાસે એકલા હાથે મેચનું પાસુ ફેરવવાની શક્તિ છે.

કોહલીએ આખી સીઝન દરમિયાન શાનદાર પ્રદર્શન કર્યું છે. તેણે અત્યાર સુધીમાં 8 અડધી સદી ફટકારી છે. તેણે 13 મેચમાં 60.20 ની સરેરાશથી 602 રન બનાવ્યા છે. આ દરમિયાન તેનો સ્ટ્રાઇક રેટ લગભગ 150 રહ્યો છે.

બધાની નજર પંજાબ કિંગ્સના કેપ્ટન શ્રેયસ ઐયર પર પણ રહેશે. તેણે આ સિઝનમાં પણ શાનદાર પ્રદર્શન કર્યું છે. ઐયરે ૧૪ મેચમાં ૫૧.૪૦ ની સરેરાશથી ૫૧૪ રન બનાવ્યા છે. આ વર્ષે ઐયરે લગભગ ૧૭૨ ના સ્ટ્રાઇક રેટથી રન બનાવ્યા છે.

આરસીબીનો વિકેટકીપર બેટ્સમેન જીતેશ શર્મા શાનદાર ફોર્મમાં છે. તેણે મંગળવારે લખનૌ સુપર જાયન્ટ્સ સામે 85 રન બનાવીને ક્વોલિફાયર 1 માં પોતાની ટીમનું સ્થાન સુનિશ્ચિત કર્યું. હવે ક્વોલિફાયર 1 માં પણ તેની પાસેથી એ જ અપેક્ષાઓ રહેશે.

પંજાબના વિકેટકીપર બેટ્સમેન જોશ ઈંગ્લિસે આ વર્ષે જ્યારે પણ તક મળી ત્યારે સારી બેટિંગ કરી છે. ટીમની છેલ્લી લીગ મેચમાં શાનદાર અડધી સદી ફટકારીને તેણે ટીમને ટોપ-2માં સ્થાન અપાવવામાં મુખ્ય ભૂમિકા ભજવી હતી.

RCB કેપ્ટન રજત પાટીદાર છેલ્લા કેટલાક મેચોથી ઇમ્પેક્ટ પ્લેયર તરીકે રમી રહ્યો છે. તે ક્વોલિફાયર 1 માં પણ ઇમ્પેક્ટ પ્લેયર તરીકે આવી શકે છે. પાટીદારે આ વર્ષે કંઈ ખાસ કર્યું નથી. પરંતુ તેની પાસેથી પંજાબ સામે સારા પ્રદર્શનની અપેક્ષા રાખવામાં આવશે.