iPhone 14 લૉન્ચ પહેલા Flipkart ની શાનદાર ઑફર્સ, iPhone 13 પર મળી રહ્યું છે ભારે ડિસ્કાઉન્ટ

iPhone 14 લોન્ચ થયા પહેલા, iPhone 13 સિરીઝ એકદમ સસ્તી બની ગઈ છે. આ ડિસ્કાઉન્ટ ઈ-કોમર્સ સાઈટ ફ્લિપકાર્ટ પર આપવામાં આવી રહ્યું છે. એવું માનવામાં આવે છે કે આ વર્ષે સપ્ટેમ્બરમાં Apple પોતાનો નવો સ્માર્ટફોન iPhone 14 લોન્ચ કરી શકે છે.

નવા લોન્ચ પહેલા જ iPhone 13 ખૂબ જ ઓછી કિંમતે વેચાઈ રહ્યો છે. અહીં અમે તમને આ પ્રીમિયમ સ્માર્ટફોન પર ઉપલબ્ધ સંપૂર્ણ ડીલ વિશે જણાવી રહ્યા છીએ. આગળ વધતા પહેલા તમને જણાવી દઈએ કે ફ્લિપકાર્ટ પર પણ સેલ શરૂ થવા જઈ રહ્યો છે. તેમાં તેની કિંમત પણ ઓછી હોઈ શકે છે.

હાલમાં, iPhone 13નું બેઝ મોડલ ઈ-કોમર્સ સાઈટ ફ્લિપકાર્ટ પર રૂ. 73,909માં લિસ્ટેડ છે. આ સિવાય આ હેન્ડસેટ પર એક્સચેન્જ ઓફર પણ આપવામાં આવી રહી છે. ગ્રાહકોને હેન્ડસેટ પર 19,000 રૂપિયા સુધીનું એક્સચેન્જ ડિસ્કાઉન્ટ આપવામાં આવી રહ્યું છે.

તમે આ સ્માર્ટફોનને ઑફર અને એક્સચેન્જ ડિસ્કાઉન્ટ પછી માત્ર 54,909 રૂપિયામાં ખરીદી શકો છો. iPhone 13 ના બેઝ મોડલમાં 128GB ઇન્ટરનલ મેમરી છે. આ શ્રેણીમાં iPhone 13 Mini, Apple iPhone 13, Apple iPhone 13 Pro અને Apple iPhone 13 Pro Maxનો સમાવેશ થાય છે.

Apple iPhone 13માં A15 Bionic ચિપસેટ આપવામાં આવી છે. તેમાં 6.1-ઇંચની સુપર રેટિના XDR સ્ક્રીન છે. કેમેરાની વાત કરીએ તો તેના પાછળના ભાગમાં 12 મેગાપિક્સલનો કેમેરો આપવામાં આવ્યો છે. તે 4K ડોલ્બી વિઝન HDR સાથે રેકોર્ડ કરી શકે છે.

તેના ફ્રન્ટમાં 12-મેગાપિક્સલ કેમેરાનું ટ્રુડેપ્થ સેન્સર આપવામાં આવ્યું છે. તે નાઇટ મોડ સપોર્ટ સાથે આવે છે. રિપોર્ટ અનુસાર, Apple iPhone 14 સિરીઝમાં આ વખતે મિની વર્ઝન લોન્ચ કરી શકશે નહીં.