હાર્દિક પટેલનો નવો ‘અવતાર’, વરરાજા સાથે પરિવારજનો દિગસર જવાા થયા રવાના

અગાઉ હાર્દિકના પિતા તેમજ દાદા સહિતના વડીલો માતાજીના મઢે કંકોત્રી મુકવા ગયા હતા. ત્યાર બાદ હવે હાર્દિક સહિતના કુટુંબીજનો લગ્નના દિવસે એટલે કે વહેલી સવારે જ દિગસર જવા રવાના થયા છે.

લગ્નમાં કુટુંબીજનો સહીત અંદાજે 350થી 400 લોકો હાજર રહે તેવો અંદાજ છે. આજે લગ્નની તમામ વિધિ વિરમગામમાં આવેલા હાર્દિકના ઘરે થઈ રહી છે. રવિવારે સવારે હાર્દિક તેમજ કિંજલ બંનેના પરિવારજનો દિગસર જવા રવાના થયા છે. જ્યાં સવારે 10 વાગ્યાનું હસ્તમેળાપનું મુહૂર્ત છે. ત્યારબાદ અંદાજે 3 વાગ્યા સુધીમાં લગ્નની વિધી પૂર્ણ થાય તેવું જાણવા મળી રહ્યું છે.

શરણાઈના શૂરો અને ઢોલના તાલે તમામ તૈયારીઓ થઈ ગઈ છે. તેના ઘરે નજીકના સંબંધીઓને જ આમંત્રણ આપવામાં આવ્યું છે. આ દરમિયાન હાર્દિક પટેલ સૂટબૂટમાં સજ્જ થઈને જોવા મળ્યો હતો.

પાસ નેતા હાર્દિક પટેલના આજે લગ્ન છે. વિરમગામ સ્થિત તેના ઘરે શનિવારથી જ માંડવાની વિધિ શરૂ થઈ ગઈ છે. આ વિધિ માટે મહેમાનો આવી પહોંચ્યા છે. લગ્નના આગલા દિવસે હાર્દિક પટેલ મિત્રો તેમજ પરિવાર સાથે ગરબા રમ્યો હતો.

વિરમગામ: પાસ કન્વીનર હાર્દિક પટેલન આજે સુરેન્દ્રનગરના દિગસર ગામે લગ્ન, હાર્દિક પટેલની જાન વિરમગામથી દિગસર જવા માટે રવાના થઈ ગઈ છે. જ્યારે કિંજલના પરિવારજનો પણ દિગસર જવા માટે રવાના થયા છે. આ પ્રસંગમાં હાજરી આપવા માટે ખાસ નજીકના લોકોને જ આમંત્રણ આપવામાં આવ્યું છે.