રાજકોટની યુવતીએ જ્યોતિષ સાથે મરજીથી વારંવાર માણ્યું સેક્સ, બદલામાં લીધી આર્થિક મદદ પછી આવ્યો નવો વળાંક, જાણો વિગત

રાજકોટ: વૃધ્ધ જ્યોતિષ સાથે મરજીથી શારીરિક સંબંધો બાંધીને સેક્સ માણ્યા પછી બળાત્કારની ફરિયાદ કરનારી યુવતી સામે જ્યોતિષે સમાજમાં બદનામ કરવાની ધમકી આપ્યાની વળતી ફરિયાદ નોંધાવતા ચકચાર જાગી છે. જ્યોતિષે ફરિયાદમાં જણાવ્યું કે યુવતીએ મળતિયાઓ સાથે મળી તેમની પાસે એક કરોડની ખંડણી માગી હતી.

દરમિયાન જ્યોતિષના પુત્ર અને યુવતી વચ્ચે મોબાઇલમાં થયેલી વાતચીતનું રેકોર્ડિંગ પુરાવા રૂપે કોર્ટમાં રજૂ કર્યું હતું. હાઇકોર્ટે વોઇસ ટેસ્ટિંગ કરવાનો આદેશ આપ્યો હતો. જે વોઇસ ટેસ્ટિંગમાં અવાજ દુષ્કર્મની ફરિયાદ નોંધાવનાર કુંદનનો હોવાનું તપાસમાં બહાર આવતા જ્યોતિષે ત્યક્તા યુવતી સામે વળતી ફરિયાદ નોંધાવી છે

જો કે યુવતી અને તેના મળતિયાઓને જ્યોતિષે મચક નહીં આપતાં કુંદને આ વર્ષના માર્ચ મહિનામાં યુવતીએ જ્યોતિષ સામે બળાત્કારની ફરિયાદ નોંધાવી હતી. યુવતીએ જ્યોતિષ સામે પરાણે સેક્સ માણ્યાની ફરિયાદ કરી હતી. પોલીસ ફરિયાદને પગલે જ્યોતિષ હાઇકોર્ટમાંથી આગોતરા જામીન લઇ આવી પોલીસમાં હાજર થયા હતા.

જ્યોતિષ સાથે મરજીથી સેક્સ માણતી યુવતીએ 2009માં તેના મળતિયાઓ સાથે મળી જ્યોતિષને બ્લેક મેઇલિંગ કરવાનું શરૂ કરી એક કરોડની માગણી કરી હતી. જો એક કરોડ નહીં આપો તો સમાજમાં બદનામ કરી દુષ્કર્મ જેવા ગંભીર ગુનામાં સંડોવી દેવાની ધમકી આપવાનું શરૂ કર્યું હતું.

જ્યોતિષ અને યુવતીનો સંપર્ક ધીરે ધીરે વધ્યો હતો. અવાર નવાર જ્યોતિષને મળવા આવતી યુવતીએ પોતાની મરજીથી જ્યોતિષ સાથે શારીરિક સંબંધ બાંધ્યા હતા. બંને ખાનગીમાં મળીને સેક્સ માણતાં અને શરીરની ભૂખ સંતોષતાં હતાં. જ્યોતિષ તેના બદલામાં યુવતીને આર્થિક રીતે મદદ પણ કરતા હતા.

આ કેસની વિગત એવી છે કે, રાજકોટની એક યુવતીના બે વખત છૂટાછેડા થયા છે. આ યુવતી છૂટાછેડા તથા અન્ય સમસ્યાના નિરાકરણ માટે રાજકોટની પંચશીલ સોસાયટી, ગોંડલ રોડ પર મકાન ધરાવતા અને હાલ જૂનાગઢ રહેતા અનંતપ્રસાદ જેન્તીલાલ ભટ્ટ નામના વૃધ્ધ જ્યોતિષ પાસે નવ વરસ પહેલાં આવી હતી.