રાજકોટ અગ્નિકાંડ ની ઘટના બાદ સફાળે જાગેલ સુરત જિલ્લા વહીવટી તંત્ર અને અલગ અલગ વિભાગ દ્વારા હવે બેઠકોનો દૌર શરૂ કરવામાં આવ્યો છે.સુરત જિલ્લા કલેકટર કચેરી,શહેર પોલીસ,ડિજીવીસીએલ સહિત સુરત મહાનગરપાલિકાની સંયુક્ત બેઠક આજ રોજ સુરતના સીટી લાઈટ સ્થિત CCC સેન્ટર ખાતે યોજવામાં આવી છે.જે બેઠકમાં સંયુક્ત ટિમો બનાવી શહેરના અલગ અલગ 16 જેટલા ગેમ ઝોનમાં તપાસ હાથ ધરવામાં આવશે.જેમાં ફાયર noc ,પોલીસ પરવાનગી,વીજ કંપનીની પરવાનગી સહિત વિવિધ પાસાઓ ટીમ દ્વારા ચકાસવામાં આવશે.