ઓસ્ટ્રેલિયા બાદ અફઘાનિસ્તાન તેની પ્રથમ ત્રણ ટેસ્ટમાંથી બે ટેસ્ટ જીતી હોય તેવી પ્રથમ બીજી છે. 2018માં ડેબ્યૂ ટેસ્ટમાં અફઘાનિસ્તાન ભારત સામે 1 ઈનિંગ અને 262 રનથી હાર્યું હતું. 2019માં આયર્લેન્ડને 7 વિકેટથી હાર આપી અફઘાનિસ્તાને ટેસ્ટ ક્રિકેટમાં જીતનું ખાતું ખોલાવ્યું હતું. જ્યારે આજે બાંગ્લાદેશને 224 રનથી હાર આપી બીજી ટેસ્ટ જીત મેળવી હતી.
અફઘાનિસ્તાને પ્રથમ ઈનિંગમાં 342 રન બનાવ્યા હતા. રહમત શાહે 102, અસગર અફઘાને 92 અને કેપ્ટન રાશિદ ખાને 51 રન બનાવ્યા હતા. બાંગ્લાદેશ તરફથી તૈજુમલ ઈસ્લામે 4 વિકેટ ખેરવી હતી. બાંગ્લાદેશ તેની પ્રથમ ઈનિંગમાં 205 રન બનાવી શક્યું હતું. અફઘાનિસ્તાન તરફથી કેપ્ટન રાશિદ ખાને 5 તથા મોહમ્મદ નબીએ 3 વિકેટ ઝડપી હતી.
અફઘાનિસ્તાન બીજી ઈનિંગમાં 260 રન બનાવી ઓલ આઉટ થું હતું. ઈબ્રાહિમ ઝરદાને 87, અસરગર અફઘાને 50 રનનું યોગદાન આપ્યું હતું. બાંગ્લાદેશ તરફથી શાકિબ અલ હસને 3 વિકેટ ઝડપી હતી. 398 રનના લક્ષ્યાંક સામે બાંગ્લાદેશની ઈનિંગ 173 રનમાં જ સમાપ્ત થઈ હતી. શાકિબ અલ હસને 4 અને શાદમન ઈસ્લામે 41 રન બનાવ્યા હતા. બીજી ઈનિંગમાં કેપ્ટન રાશિદ ખાને 6 અને ઝહીર ખઆને 3 વિકેટ લીધી હતી.
કેપ્ટન તરીકે પ્રથમ ટેસ્ટ રમતા રાશિદ ખાને મેચ 10 કે તેથી વધુ વિકેટ લેનારો અને ટેસ્ટ મેચમાં અડધી સદી ફટકારનારો પ્રથણ ખેલાડી બની ગયો હતો. રાશિદ ખાનને તેના ઓલરાઉન્ડર પ્રદર્શન માટે મેન ઓફ ધ મેચ જાહેર કરવામાં આયો હતો.