હિટમેન રોહિત શર્મા આ સ્ટેડિયમનું દ્રશ્ય જોઈને રોમાચિંત છે. તેણે ટ્વીટ કરીને લખ્યું- આશ્ચર્યજનક...સ્ટેડિયમ વિશે આટલું બધું સાંભળ્યા બાદ હવે ત્યાં રમવા માટે રાહ નહીં જોઈ શકું.
આ સ્ટેડિયથી બીસીસીઆઈ અધ્યક્ષ સૌરવ ગાંગુલી પણ ખૂબ જ પ્રભાવિત જોવા મળ્યા. ગાંગુલીએ ટ્વીટર પર લખ્યું, ‘અમદાવાદમાં આટલું મોટું અને શાનદાર સ્ટેડિયમ જોઈને ખુશ થયો...એક ખેલાડી, કેપ્ટન તરીકે આ મેદાન સાથે મારી અનેક યાદો જોડાયેલ છે. ઇડનમાં હજારો લોકની હાજરી જોઈને મોટો થયો..આ સ્ટેડિયમને 24 તારીખે જોવા માટે આતૂર છું.’
ટીમ ઇન્ડિયાના મુખ્ય કોચ રવિ શાસ્ત્રીએ લખ્યું- શાનદાર લાગી રહ્યું છે. દરેક ભારતીય ક્રિકેટ પ્રેમી માટે સાચવી રાખવા જેવી પળ. વિશ્વ સ્તરીય સુવિધા- 1,10,000થી વધારેની ક્ષમતા.
આ સ્ટેડિયમને ફરી બનાવવામાં આવ્યું છે. સૌથી પહેલા આ સ્ટેડિયમ 1982માં બનાવવામાં આવ્યું હતું. તેના માટે ગુજરાત સરકારે 50 એકર જમીન આપી હતી.
1983માં આ સ્ટેડિયમમાં આંતરરાષ્ટ્રીય મેચનું આયોજન કરવામાં આવ્યું. અત્યાર સુધી મોટેરામાં એક ટી-20 ઇન્ટરનેશનલ, 12 ટેસ્ટ મેચ અને 24 વનડે ઇન્ટરનેશનલ મેચનું આયોજન કરવામાં આવ્યું.