IND VS SA: કેપટાઉનમાં હાર બાદ ટેસ્ટ રેન્કિંગમાં કોહલી-પૂજારાને નુકસાન, રબાડા બન્યો નંબર વન

ન્યૂ ઝીલેન્ડનો કેન વિલિયમ્સ ચોથા ક્રમે છે. ભારતના અન્ય બોલર્સમાં વિજય પાંચ ક્રમાંક નીચે 30મા, ધવન અને રોહિત ત્રણ-ત્રણ ક્રમાંક નીચે અનુક્રમે 33મા અને 44મા સ્થાને ખસી ગયા છે. જોકે પહેલી ઇનિંગમાં 93 રન બનાવવાને કારણે હાર્દિક પંડ્યા 24 ક્રમાંકની છલાંગ લગાવીને 49મા ક્રમે પહોંચી ગયો છે. આ મેચમાં ન રમનારો કેએલ રાહુલ પહેલાંની જેમ 12મા ક્રમે જ છે.

બીજી તરફ ઇંગ્લેન્ડના કેપ્ટન જો રૂટે ઓસ્ટ્રેલિયા સામેની સિડની ટેસ્ટ મેચમાં 141 રન બનાવ્યા હતા, જેથી તેને 28 પોઇન્ટનો ફાયદો મળ્યો છે અને તે કોહલીને પછાડીને નંબર-2 પર પહોંચી ગયો છે. ઓસ્ટ્રેલિયન કેપ્ટન 947 પોઇન્ટ્સ સાથે ટોચ પર છે. પહેલી ટેસ્ટમાં પૂજારાએ 26 અને 4 રન બનાવ્યા હતા, જેથી તેને 25 પોઇન્ટ્સનું નુકસાન થયું છે અને તે 848 પોઇન્ટ્સ સાથે ત્રીજામાંથી પાંચમા ક્રમે ખસી ગયો છે.