Asian Games 2026: એશિયન ગેમ્સની ફાઈનલમાં ભારતે પાકિસ્તાનને 19 રને હરાવી જીત્યો ગોલ્ડ

Asian Games 2026: ભારતે એશિયન ગેમ્સની પુરુષોની ક્રિકેટ સ્પર્ધામાં ગોલ્ડ મેડલ જીત્યો છે. ફાઈનલ મેચમાં તેમણે પાકિસ્તાનને 19 રનથી હરાવ્યું. પાકિસ્તાનને છેલ્લી ઓવરમાં 33 રનની જરૂર હતી, પરંતુ શિવમ દુબેએ માત્ર 13 રન જ આપ્યા. તેણે એક વિકેટ પણ ઝડપી હતી.

એશિયન ગેમ્સ 2026

Source : @BCCI

Asian Games 2026: ભારતે એશિયન ગેમ્સની પુરુષોની ક્રિકેટ સ્પર્ધામાં ગોલ્ડ મેડલ જીત્યો છે. ફાઈનલ મેચમાં તેમણે પાકિસ્તાનને 19 રનથી હરાવ્યું. પાકિસ્તાનને છેલ્લી ઓવરમાં 33 રનની જરૂર હતી, પરંતુ શિવમ દુબેએ માત્ર 13 રન જ આપ્યા. તેણે એક વિકેટ પણ ઝડપી હતી.

 

ભારતે ફાઇનલમાં પાકિસ્તાનને 19 રનથી હરાવીને એશિયન ગેમ્સમાં સતત બીજી વખત પુરુષોની ક્રિકેટ સ્પર્ધામાં સુવર્ણ ચંદ્રક જીત્યો છે. ટોસ જીતીને પ્રથમ બેટિંગ કરવાનો નિર્ણય લીધા બાદ, ભારતે 20 ઓવરમાં 6 વિકેટના ભોગે 211 રન બનાવ્યા હતા. તેના જવાબમાં પાકિસ્તાનની ટીમ 20 ઓવરમાં 6 વિકેટ ગુમાવીને માત્ર 192 રન જ બનાવી શકી. પાકિસ્તાન તરફથી હસન નવાઝ 96 રન સાથે સર્વાધિક સ્કોરર રહ્યો, જ્યારે અયુબે 29 રનની ઇનિંગ્સ રમી. ભારત તરફથી અક્ષર પટેલ અને વોશિંગ્ટન સુંદરે બે-બે વિકેટ ઝડપી.

ભારતે 19મો ગોલ્ડ જીત્યો
આ પહેલા ભારતીય મહિલા ક્રિકેટ ટીમે ફાઇનલમાં શ્રીલંકાને હરાવીને સુવર્ણ ચંદ્રક જીત્યો હતો. હવે, પુરુષ ટીમે પણ પાકિસ્તાનને 19 રનથી હરાવીને શાનદાર પ્રદર્શન સાથે સુવર્ણ ચંદ્રક જીત્યો છે. ક્રિકેટના બંને સુવર્ણ ચંદ્રક ફરી એકવાર ભારતને મળ્યા છે. આ સાથે એશિયન ગેમ્સમાં ભારતનો કુલ સુવર્ણ ચંદ્રકોનો આંકડો 19 અને કુલ ચંદ્રકોની સંખ્યા 81 પર પહોંચી છે.

ભારતે સતત બીજો ગોલ્ડ જીત્યો

𝗚𝗢𝗟𝗗 𝗠𝗘𝗗𝗔𝗟𝗟𝗜𝗦𝗧𝗦 𝗔𝗚𝗔𝗜𝗡 🥇

Congratulations #TeamIndia for successfully defending the Asian Games Gold Medal 👏👏

Scorecard ▶️ https://t.co/g4wzZagyGj#AsianGames pic.twitter.com/sg7z4dhUzH

— BCCI (@BCCI) October 3, 2026

ભારતે પાકિસ્તાનને આપ્યો હતો 212 રનનો લક્ષ્યાંક

2026 એશિયન ગેમ્સના ફાઇનલમાં ભારતે પહેલા બેટિંગ કરતા 211 રન બનાવ્યા હતા. છેલ્લી 3 ઓવરોમાં શિવમ દુબે અને તિલક વર્માએ એવો ધમાકો મચાવ્યો કે 59 રન ફટકારી દીધા. આ T20 ઇન્ટરનેશનલ ક્રિકેટમાં ભારતનો પાકિસ્તાન સામે સૌથી મોટો સ્કોર હતો. ઇનિંગ્સની શરૂઆતમાં અભિષેક શર્માએ કોહરામ મચાવ્યો. તેણે 7 સિક્સર સાથે પોતાની ઇનિંગ્સમાં 61 રન બનાવ્યા.

વૈભવ સૂર્યવંશી 9 બોલમાં 15 રન બનાવીને જલદી આઉટ થઈ ગયો હતો, પરંતુ અભિષેક શર્માએ ભારે તબાદી મચાવી અને વર્ષ 2026માં 100 સિક્સર પણ પૂરી કરી લીધી. થોડીવાર શ્રેયસ અય્યર અને ઈશાન કિશને મિડલ ઓવરોમાં ઇનિંગ્સ સંભાળી, પરંતુ અંતમાં આવીને શિવમ દુબે અને તિલક વર્માએ પણ ધમાલ મચાવી દીધી.

અભિષેક-દુબે-તિલકનો કહેર

ભારતીય ઇનિંગ્સમાં સૌથી પહેલા અભિષેક શર્માએ કોહરામ મચાવ્યો હતો. તેણે 28 બોલમાં 61 રન બનાવ્યા, આ દરમિયાન તેના બેટમાંથી 7 સિક્સર અને 3 ફોર આવી. તો તિલક વર્માએ 22 બોલમાં 51 રન બનાવ્યા હતા જ્યારે શિવમ દુબેએ 15 બોલમાં 27 રનનું યોગદાન આપ્યું હતું.

પાકિસ્તાન પ્લેઇંગ 11- સાહિબઝાદા ફરહાન (કેપ્ટન), માઝ સદાકત, ઉસ્માન ખાન (વિકેટકીપર), સૈમ અયૂબ, હસન નવાઝ, અબ્દુલ સમદ, અરાફાત મિન્હાસ, અહમદ દાનિયાલ, મોહમ્મદ વસીમ, અબરાર અહમદ, સુફિયાન મુકીમ.

ભારત પ્લેઇંગ 11- વૈભવ સૂર્યવંશી, અભિષેક શર્મા, સંજૂ સેમસન (વિકેટકીપર), શ્રેયસ અય્યર (કેપ્ટન), ઈશાન કિશન, અક્ષર પટેલ, તિલક વર્મા, શિવમ દુબે, વોશિંગ્ટન સુંદર, રવિ બિશ્નોઈ, જસપ્રીત બુમરાહ.                    

આ પણ વાંચો

Asian Games 2026: 17 વર્ષની કુમકુમ મોહોદે મેળવી હેટ્રિક, ગૉલ્ડ જીતી રચી દીધો ઇતિહાસ

Asian Games 2026: ભારતે 24 વર્ષ બાદ ગોલ્ફમાં જીત્યો ગોલ્ડ; પ્રણવીએ રચ્યો ઈતિહાસ