India Australia T20 Series Full Schedule: ભારત અને ઓસ્ટ્રેલિયા વચ્ચેની ODI શ્રેણી પૂર્ણ થઈ ગઈ છે. ઓસ્ટ્રેલિયાએ ODI શ્રેણી 2-1થી જીતી હતી. ODI પછી, ભારતીય ટીમ હવે ઓસ્ટ્રેલિયા સામે T20 શ્રેણી રમશે. આ પાંચ મેચની શ્રેણી 29 ઓક્ટોબરથી 8 નવેમ્બર સુધી ચાલશે. આ શ્રેણી માટે ભારતના T20 કેપ્ટન સૂર્યકુમાર યાદવ અને બાકીના ખેલાડીઓ ઓસ્ટ્રેલિયા પહોંચી ગયા છે.
ભારત-ઓસ્ટ્રેલિયા T20 શ્રેણી ભારત અને ઓસ્ટ્રેલિયા વચ્ચે પાંચ મેચની T20 શ્રેણી 29 ઓક્ટોબરે કેનબેરામાં પ્રથમ મેચથી શરૂ થશે. શ્રેણીની અંતિમ મેચ 8 નવેમ્બરે બ્રિસ્બેનમાં રમાશે. T20 મેચો IST બપોરે 1:45 વાગ્યે શરૂ થશે.
પહેલી ટી20 - 29 ઓક્ટોબર, કેનબેરાબીજી ટી20 - 31 ઓક્ટોબર, મેલબોર્નત્રીજી ટી20 - 2 નવેમ્બર, હોબાર્ટચોથી ટી20 - 6 નવેમ્બર, ગોલ્ડ કોસ્ટપાંચમી ટી20 - 8 નવેમ્બર, બ્રિસ્બેન
ટી20 શ્રેણી માટે ભારતની ટીમ સૂર્યકુમાર યાદવ (કેપ્ટન), શુભમન ગિલ (વાઈસ-કેપ્ટન), અભિષેક શર્મા, તિલક વર્મા, શિવમ દુબે, નીતીશ કુમાર રેડ્ડી, અક્ષર પટેલ, જિતેશ શર્મા (વિકેટકીપર), વરુણ ચક્રવર્તી, જસપ્રીત બુમરાહ, અર્શદીપ સિંહ, કુલદીપ યાદવ, હર્ષિત રાણા, સંજૂ સેમસન (વિકેટકીપર), રિન્કુ સિંહ અને વોશિંગ્ટન સુંદર.
T20 શ્રેણી માટે ઓસ્ટ્રેલિયાની ટીમ મિચ માર્શ (કેપ્ટન), ટ્રેવિસ હેડ, સીન એબોટ, ઝેવિયર બાર્ટલેટ, ટિમ ડેવિડ, બેન દ્વારશીસ, નાથન એલિસ, જોશ હેઝલવુડ, જોશ ઇંગ્લિસ (વિકેટકીપર), મેથ્યુ કુહનેમેન, મિશેલ ઓવેન, મેથ્યુ શોર્ટ, માર્કસ સ્ટોઇનિસ અને એડમ ઝામ્પા.
ભારતે ODI શ્રેણી ગુમાવી ભારત અને ઓસ્ટ્રેલિયા વચ્ચેની પહેલી ODI પર્થમાં રમાઈ હતી, જ્યાં ટીમ ઈન્ડિયા 7 વિકેટથી હારી ગઈ હતી. બીજી ODI એડિલેડમાં રમાઈ હતી, જ્યાં ઓસ્ટ્રેલિયાએ 2 વિકેટથી જીત મેળવી હતી. ત્રીજી ODI સિડનીમાં રમાઈ હતી, જ્યાં ભારતે ઓસ્ટ્રેલિયાને 9 વિકેટથી હરાવ્યું હતું. આમ, ઓસ્ટ્રેલિયાએ શ્રેણી 2-1થી જીતી હતી.
અંતિમ ODIમાં રોહિત શર્મા અને વિરાટ કોહલી ભારતના વિજયના હીરો રહ્યા. કેપ્ટન શુભમન ગિલની વિકેટ પડ્યા પછી, રોહિત અને વિરાટે ઇનિંગ્સને સ્થિર કરી અને 237 રનના લક્ષ્યનો પીછો કરતા ટીમને વિજય તરફ દોરી ગયા.