દાનિશ કનેરિયાએ તસવીર શેર કરી છે, જેમાં એકબાજી હાર્દિક પંડ્યા છે, અને તેની સાથે બાજુમાં યુવા બૉલર ટી નટરાજન છે. તસવીરના કેપ્શનમાં દાનિશ કનેરિયાએ લખ્યુ- આના જેવો સારો ફોટો કોઇ નહીં, હાર્દિક પંડ્યાએ મેન ઓફ ધ સીરીઝ એવોર્ડ જીત્યો, પરંતુ તેને આ એવોર્ડ નટરાજનને આપી દીધો. યંગસ્ટર્સને ખરેખર માન આપ્યુ. અમારા પ્લેયરે આવુ કર્યુ ક્યારેય બધા પોતાનુ વિચારે છે. ઉલ્લેખનીય છે કે દાનિશ કનેરિયાએ આ ટ્વીટની સાથે પાકિસ્તાની ક્રિકેટરોને આડેહાથે લીધા, અને બરાબરની ઝાટકણી કાઢી હતી.
ખરેખરમાં ઓસ્ટ્રેલિયા સામેની ટી20 સીરીઝમાં હાર્દિક પંડ્યાને પ્લેયર ઓફ ધ સીરીઝ એવોર્ડ મળ્યો હતો, પરંતુ તેને આ એવોર્ડ યુવા ખેલાડી ટી નટરાજનનને આપી દીધો હતો, ત્રણ મેચોની સીરીઝમાં ભારતે 2-1થી સીરીઝ પર કબજો જમાવ્યો હતો.
ખાસ વાત છે કે યુવા બૉલર ટી નટરાજને ઓસ્ટ્રેલિયા સામે ડેબ્યૂ કરતાં પોતાની અલગ ઇમ્પ્રેશન જમાવી દીધી છે. ટી નટરાજને ત્રણ ટી20 મેચમાં 13.83 એવરેજથી બૉલિંગ કરી હતી.