DC vs MI: મુંબઈ ઈન્ડિયન્સના સ્ટાર ખેલાડીઓ દિલ્હી સામે ફ્લોપ, આપ્યો 163 રનનો લક્ષ્યાંક
Delhi Capitals vs Mumbai Indians: મુંબઈ ઈન્ડિયન્સ માટે કેપ્ટન સૂર્યકુમાર યાદવે 36 બોલમાં 551 રનની ઇનિંગ રમી. આ દરમિયાન, રોહિત શર્માએ 26 બોલમાં 35 રન બનાવ્યા.
Delhi Capitals vs Mumbai Indians: અરુણ જેટલી સ્ટેડિયમની પાટા વિકેટ પર મુંબઈ ઇન્ડિયન્સની ટીમ પ્રથમ બેટિંગ કર્યા બાદ માત્ર 162 રન જ બનાવી શકી. દિલ્હીના બોલરોએ શરૂઆતથી જ સચોટ લાઈન લેન્થ સાથે બોલિંગ કરી અને નિયમિત અંતરે વિકેટ લઈને મુંબઈના બેટ્સમેનોને મોટો સ્કોર બનાવતા અટકાવ્યા. મુંબઈ માટે કેપ્ટન સૂર્યકુમાર યાદવે 36 બોલમાં 51 રનની ઇનિંગ રમી હતી, જેમાં તેના બેટથી 3 ચોગ્ગા અને 2 છગ્ગા નીકળ્યા હતા. બીજી તરફ રોહિત શર્માએ 26 બોલમાં 35 રન બનાવ્યા હતા. દિલ્હી તરફથી પાંચ બોલરોએ વિકેટ ઝડપી હતી.
Innings Break!
Captain Surya Kumar Yadav led the charge for #MI 🙌
But #DC kept the scoring in check 👌
2⃣ points loading for?
Scorecard ▶️ https://t.co/lufWYIGWql#TATAIPL | #KhelBindaas | #DCvMI pic.twitter.com/9GmIGjs1OF — IndianPremierLeague (@IPL) April 4, 2026
દિલ્હી કેપિટલ્સ સામે હવે ઘરઆંગણે માત્ર 163 રનનો લક્ષ્ય છે. દિલ્હી પાસે શાનદાર બેટિંગ લાઇન-અપ છે, જેના કારણે મુંબઈ ઇન્ડિયન્સ માટે આ મેચ જીતવી હવે અત્યંત મુશ્કેલ છે. મુંબઈ ઇન્ડિયન્સે પ્રથમ બેટિંગ કરતા 20 ઓવરમાં 6 વિકેટે 162 રન બનાવ્યા છે.
આવી રહી મુંબઈ ઇન્ડિયન્સની ઇનિંગ્સ
ટોસ હારીને પ્રથમ બેટિંગ કરવા ઉતરેલી મુંબઈ ઇન્ડિયન્સની શરૂઆત સારી રહી નહોતી. રિયાન રિકલ્ટન ત્રીજી ઓવરમાં આઉટ થઈ ગયો હતો, તેણે 11 બોલમાં માત્ર 9 રન બનાવ્યા હતા. ત્યારબાદ તિલક વર્મા શૂન્ય રને આઉટ થયો હતો. મુકેશ કુમારે એક જ ઓવરમાં બંનેને પેવેલિયન ભેગા કરી દીધા હતા.
18 રન પર બે વિકેટ પડી ગયા બાદ રોહિત શર્મા અને સૂર્યકુમાર યાદવ વચ્ચે 53 રનની ભાગીદારી થઈ હતી. રોહિતે 26 બોલમાં 35 રન બનાવ્યા હતા, જેમાં તેના બેટથી 5 ચોગ્ગા અને 1 છગ્ગો આવ્યો હતો. સૂર્યકુમારે 36 બોલમાં 3 ચોગ્ગા અને 2 છગ્ગાની મદદથી 51 રનની ઇનિંગ રમી હતી.
અંતમાં નમન ધીરે 21 બોલમાં 28 રન બનાવ્યા હતા, જેના બેટથી 2 ચોગ્ગા અને 1 છગ્ગો આવ્યો હતો. મિચેલ સેન્ટનર 13 બોલમાં 18 રન અને કોર્બિન બોશ 4 બોલમાં 11 રન બનાવી અણનમ પરત ફર્યા હતા. સેન્ટનર અને બોશ બંનેએ બબ્બે ચોગ્ગા ફટકાર્યા હતા. દિલ્હી માટે મુકેશ કુમારે 3 ઓવરમાં 26 રન આપીને બે વિકેટ ઝડપી હતી. જ્યારે લુંગી એન્ગિડી, અક્ષર પટેલ, વિપરજ નિગમ અને ટી. નટરાજને એક-એક વિકેટ ઝડપી હતી.
ટોપ સ્ટોરી
ટ્રેન્ડિંગ સમાચાર
