ડેબ્યૂ મેચમાં ફિફ્ટી, પછી ક્યારેય ન મળ્યો મોકો; જાણો આ ભારતીય ક્રિકેટરની ચોંકાવનારી કહાની

આ ભારતીય ક્રિકેટરની કહાની ખૂબ જ હેરાન કરનારી છે. 2016માં આ ખેલાડીએ પોતાની ડેબ્યૂ મેચમાં અડધી સદી ફટકારી હતી. ભારતે આ મેચ 10 વિકેટે જીતી હતી, પરંતુ આ ખેલાડીને ફરી ક્યારેય તક ન મળી.

ડેબ્યૂ મેચમાં ફિફ્ટી છતા ન મળી ટીમમાં જગ્યા

Source : social media

Show Quick Read

Key points generated by AI, verified by newsroom

• તેમની કેપ્ટનશીપમાં વિદર્ભે બે રણજી ટ્રોફી ટાઇટલ જીત્યા.

Indian Cricketer: દુનિયામાં ઘણા એવા ક્રિકેટરો રહ્યા છે, જેમને અનલકી કહેવું ખોટું નહીં હોય. એવા કેટલાય ક્રિકેટરો છે જેમણે સ્થાનિક ક્રિકેટમાં શાનદાર પ્રદર્શન કર્યું, પરંતુ તેમને ઈન્ટરનેશનલ ક્રિકેટમાં તક ન મળી. ભારતીય ક્રિકેટ ટીમમાં તક મળવી એ ભાગ્ય પર જેટલો આધાર રાખે છે તેટલો જ પ્રતિભા પર પણ આધાર રાખે છે. જ્યારે કેટલાક ક્રિકેટરો વારંવાર નિષ્ફળતા છતાં તકો મેળવતા રહે છે, ત્યારે કેટલાક ફક્ત એક જ તક ગુમાવ્યા પછી પોતાની આખી કારકિર્દી માટે બાજુ પર રહે છે. જોકે, ફૈઝ ફઝલ કદાચ એવા થોડા ખેલાડીઓમાંથી એક છે જેમને ઉત્કૃષ્ટ પ્રદર્શન કરવા છતાં ટીમ ઈન્ડિયામાં બીજી તક મળી નથી.

ફૈઝ ફઝલે સ્થાનિક ક્રિકેટ વિદર્ભ અને રેલવે માટે રમ્યું હતું. 2015-16ની ડોમેસ્ટિક સીઝનમાં ફૈઝ ફઝલે ફર્સ્ટ ક્લાસ ક્રિકેટમાં 44.62 ની એવરેજથી 714 રન બનાવ્યા હતા, જેમાં ત્રણ સદી સામેલ હતી. વળી, પોતાની ફર્સ્ટ ક્લાસ કારકિર્દીમાં તેમણે 138 મેચોમાં 41 ની એવરેજથી 9,184 રન બનાવ્યા હતા.

30 વર્ષની ઉંમરે ફૈઝ ફઝલે ઝિમ્બાબ્વે પ્રવાસ પર પોતાનું ઈન્ટરનેશનલ ડેબ્યૂ કર્યું હતું. તે સમયે તે 16 વર્ષમાં પ્રથમ એવો ભારતીય ખેલાડી હતો જેમણે 30 વર્ષની ઉંમરે વનડેમાં ડેબ્યૂ કર્યું હોય. 15 જૂન, 2016ના રોજ હરારેમાં રમાયેલી એકમાત્ર વનડેમાં ફઝલે 125 રનના ટાર્ગેટનો પીછો કરતા 61 બોલમાં અણનમ 55 રન બનાવ્યા હતા. બીજા છેડે કેએલ રાહુલ (70 બોલમાં અણનમ 63 રન) બનાવ્યા હતા.

ડેબ્યૂ મેચમાં ફિફ્ટી ફટકાર્યા પછી પણ ફૈઝને ફરી ક્યારેય તક ન મળી. ફઝલે આખરે ફેબ્રુઆરી 2021માં નિવૃત્તિ લઈ લીધી. તે સમયે તેમણે ઈન્સ્ટાગ્રામ પર લખ્યું હતું, "કાલે એક યુગનો અંત આવી રહ્યો છે, જ્યારે હું છેલ્લીવાર નાગપુરના મેદાન પર કદમ મૂકીશ, જ્યાં 21 અવિશ્વસનીય વર્ષો પહેલા મારી ફર્સ્ટ ક્લાસ ક્રિકેટ સફરની શરૂઆત થઈ હતી."

તેમની કેપ્ટનશીપમાં વિદર્ભે ઈતિહાસ રચતા 2017-18 અને 2018-19માં લગાતાર રણજી ટ્રોફી અને ઈરાની કપનો ખિતાબ જીત્યો હતો. તે ટોપ ઓર્ડરના બેટ્સમેન હતો. ફૈઝને ડોમેસ્ટિક ક્રિકેટનો શ્રેષ્ઠ ઓપનર કહેવામાં આવતો હતો. જોકે, તેઓ ભારત માટે માત્ર એક વનડે મેચ જ રમી શક્યો.                                 

આ પણ વાંચો

India Chief Selector: રોહિત શર્માને હટાવવા માંગતો હતો અગરકર, હવે પોતાની જ નોકરી ખતરામાં

India tour of Sri Lanka 2026: શ્રીલંકા પહોંચી ટીમ ઈન્ડિયા, આ દિવસે રમશે પ્રથમ ટેસ્ટ