Prithvi Shaw Should Open For Delhi Capitals: આઈપીએલ 2026 માં દિલ્હી કેપિટલ્સનું પ્રદર્શન ઉતાર-ચઢાવવાળું રહ્યું છે. દિલ્હી સતત સારું પ્રદર્શન કરવામાં નિષ્ફળ રહી છે, જેનું મુખ્ય કારણ ઓપનિંગમાં મોટી ભાગીદારીનો અભાવ છે. પથુમ નિસાંકાને પંજાબ કિંગ્સ સામેની મેચમાં પણ નિષ્ફળતા મળી છે, જ્યાં તે 7 બોલમાં 11 રન બનાવીને આઉટ થઈ ગયો હતો. આ નિષ્ફળતા વચ્ચે પૃથ્વી શોને તક આપવાની માંગએ જોર પકડ્યું છે.
પથુમ નિસાંકા ફરી ફ્લોપ
પથુમ નિસાંકા સતત ફ્લોપ થઈ રહ્યો છે, જે અત્યાર સુધી 7 ઇનિંગ્સમાં માત્ર 147 રન બનાવી શક્યો છે. તમને યાદ અપાવી દઈએ કે ઇંગ્લેન્ડના બેન ડકેટે સીઝન શરૂ થતા પહેલા જ પોતાનું નામ પાછું ખેંચી લીધું હતું, તેથી ઓપનિંગનો સ્લોટ નિસાંકાએ ભર્યો હતો. પરંતુ સતત તકો મળવા છતાં આ શ્રીલંકન બેટ્સમેને દિલ્હી કેપિટલ્સ માટે કંઈ ખાસ કર્યું નથી. IPL 2026 માં તેનો અત્યાર સુધીનો સર્વોચ્ચ સ્કોર 41 રન રહ્યો છે.
પૃથ્વી શો ફ્લોપ
નિસાંકાની નિષ્ફળતાને કારણે સોશિયલ મીડિયા પર પૃથ્વી શોને તક આપવાની માંગ ઉઠી છે. પૃથ્વી શોએ એપ્રીલ 2024 પછી IPL માં કોઈ મેચ રમી નથી. ખરાબ ફોર્મ સામે ઝઝૂમવાને કારણે શો IPL 2025 ના ઓક્શનમાં અનસોલ્ડ રહ્યો હતો. આ પહેલા સૈયદ મુશ્તાક અલી ટ્રોફીમાં પૃથ્વીનું પ્રદર્શન ઠીકઠાક રહ્યું હતું, જ્યાં 7 મેચમાં તેણે 183 રન બનાવ્યા હતા.
ચાહકોએ માંગ કરી છે કે પૃથ્વી શો ઓછામાં ઓછી એક તક મેળવવા માટે હકદાર છે. તો બીજી તરફ એક વ્યક્તિએ કહ્યું કે પથુમ નિસાંકાને ઘણો જોઈ લીધો, હવે આગામી મેચથી પૃથ્વી શોને રમાડો. શોએ તેની 79 મેચોની IPL કારકિર્દીમાં અત્યાર સુધી 1892 રન બનાવ્યા છે.