T20 World Cup 2022: ઈંગ્લેન્ડ સામેની સેમીફાઈનલ મેચમાં ભારતીય ટીમને શરમજનક હારનો સામનો કરવો પડ્યો હતો. આ મેચમાં ઈંગ્લેન્ડે ટીમ ઈન્ડિયાને 10 વિકેટથી હરાવ્યું હતું. તે જ સમયે, ઇંગ્લેન્ડ સામેની આ હાર બાદ ભારતીય ટીમ ટી20 વર્લ્ડ કપ 2022માંથી બહાર થઈ ગઈ હતી. જો કે ભારતીય ટીમની હાર બાદ ઘણા પૂર્વ દિગ્ગજોએ કેપ્ટન રોહિત શર્મા સહિત બાકીના ખેલાડીઓ પર નિવેદનો આપ્યા હતા. હવે પાકિસ્તાનના પૂર્વ ખેલાડી દાનિશ કનેરિયાએ ટીમ ઈન્ડિયાની હાર પર મોટું નિવેદન આપ્યું છે.
'રવિચંદ્ર અશ્વિનને પ્લેઈંગ ઈલેવનમાં રાખવાની જરુર નહોતી
પાકિસ્તાનના ભૂતપૂર્વ ખેલાડી દાનિશ કનેરિયાનું માનવું છે કે રવિ અશ્વિનને પ્લેઈંગ ઈલેવનનો ભાગ રાખવાની જરુર નહોતી. તેણે કહ્યું કે રવિ અશ્વિન આ ટૂર્નામેન્ટમાં રમવા માટે લાયક નહોતો. દાનિશ કનેરિયાના મતે રવિ અશ્વિને માત્ર ટેસ્ટ ફોર્મેટ રમવું જોઈએ. વિરાટ કોહલી કેપ્ટન હતો ત્યારે તેણે આવું કર્યું હતું. અશ્વિન તે સમયે ભારતીય T20 ટીમનો ભાગ નહોતો.
'રવિ અશ્વિન ઓસ્ટ્રેલિયન પરિસ્થિતિમાં સારો દેખાવ કરી શકતો નથી'
દાનિશ કનેરિયાએ વધુમાં કહ્યું કે, ભારતીય ઓફ સ્પિનર રવિ અશ્વિન ઓસ્ટ્રેલિયન પરિસ્થિતિઓમાં સારું પ્રદર્શન કરી શકતો નથી. આ ખેલાડીએ હવે માત્ર ટેસ્ટ ક્રિકેટ પર ધ્યાન આપવું જોઈએ. તેણે એમ પણ કહ્યું કે વિરાટ કોહલીએ જ્યારે તે કેપ્ટન હતો ત્યારે યોગ્ય કામ કર્યું હતું, તે સમયે તે માત્ર ટેસ્ટ ફોર્મેટમાં જ રવિ અશ્વિનને પ્લેઈંગ ઈલેવનનો ભાગ બનાવતો હતો.
અશ્વિન લગભગ 4 વર્ષ પછી મર્યાદિત ઓવરની ક્રિકેટમાં પાછો ફર્યો હતો. 2017 થી, અશ્વિનને માત્ર ટેસ્ટમાં જ તક મળી રહી હતી પરંતુ ગયા વર્ષના T20 વર્લ્ડ કપ પહેલા તેને ટીમમાં પરત લાવવામાં આવ્યો હતો. ત્યારથી, તે સતત ત્રણેય ફોર્મેટમાં ભારતીય ટીમનો ભાગ રહ્યો છે પરંતુ તે T20 આંતરરાષ્ટ્રીયમાં અસરકારક સાબિત થયો નથી. અશ્વિનની સતત તકોને કારણે ભારતે વર્તમાન વર્લ્ડ કપમાં યુઝવેન્દ્ર ચહલ જેવા શ્રેષ્ઠ ટી20 બોલરને તક આપી ન હતી.
T20 વર્લ્ડ કપની સેમિફાઇનલ મેચમાં ભારતને ઇંગ્લેન્ડ સામે કારમી હારનો સામનો કરવો પડ્યો છે. ભારતને 10 વિકેટે હરાવીને ઈંગ્લેન્ડે ફાઇનલમાં પોતાનું સ્થાન બનાવી લીધું છે જ્યાં તેનો મુકાબલો રવિવારે પાકિસ્તાન સામે થવાનો છે. પ્રથમ બેટિંગ કરતા ભારતે 168 રન બનાવ્યા હતા જેના જવાબમાં ઈંગ્લેન્ડે 16 ઓવરમાં કોઈ વિકેટ ગુમાવ્યા વિના મેચ જીતી લીધી હતી.