ભારત અને ઓસ્ટ્રેલિયા વચ્ચેની શનિવારે ત્રીજી વનડે મેચમાં અનુભવી જોડી રોહિત શર્મા અને વિરાટ કોહલીએ જૂની યાદોને તાજી કરી હતી. તેમણે બીજી વિકેટ માટે 168 રનની શાનદાર ભાગીદારી કરી, જેનાથી ટીમ ઈન્ડિયાને સરળ જીત મળી હતી. મેચ પછી ટીમ ઈન્ડિયાના મુખ્ય કોચ ગૌતમ ગંભીરે ડ્રેસિંગ રૂમમાં ખેલાડીઓને કર્યા અને કેટલીક મહત્વપૂર્ણ ટિપ્પણીઓ કરી હતી. ગંભીરે શરૂઆતમાં ઓપનર રોહિત શર્મા અને શુભમન ગિલ વચ્ચેની 69 રનની ઓપનિંગ ભાગીદારીની પ્રશંસા કરી હતી તેને 237 રનના પીછો કરવામાં "ખૂબ જ મહત્વપૂર્ણ" ગણાવી હતી. ત્યારબાદ ગંભીરે રોહિત અને કોહલીની અણનમ 168 રનની ભાગીદારીને "શાનદાર" ગણાવી હતી.
મેચ પછી કોચ ગંભીરે શું કહ્યું
કોચ ગંભીરે કહ્યું હતું કે, "બેટિંગની વાત કરીએ તો શુભમન અને રોહિત વચ્ચેની ભાગીદારી નિર્ણાયક હતી જ્યારે સ્કોર કોઈ નુકસાન વિના 60 હતો." અને પછી રોહિત અને વિરાટ વચ્ચેની ભાગીદારી શાનદાર હતી. રોહિતની સદી અદભૂત હતી. તે ખૂબ જ સારું હતું કે તમે મેચ પૂરી કરી. વિરાટે પણ શાનદાર પ્રદર્શન કર્યું.
બીસીસીઆઈ દ્વારા શેર કરાયેલા એક વીડિયોમાં આ નિવેદન આપવામાં આવ્યું છે. ગંભીરે ખુશી વ્યક્ત કરી કે રોહિત અને કોહલી બંનેએ ચેઝમાં અણનમ રહ્યા અને ટીમને વિજય તરફ દોરી હતી. તેમણે કહ્યું હતું કે, "મને લાગે છે કે ટીમના દૃષ્ટિકોણથી તે ખૂબ જ મહત્વપૂર્ણ હતું કે બંનેએ મેચ પૂરી કરી. તે દર્શાવે છે કે આપણે આ ચેઝમાં કેટલા ક્લિનિકલ રહી શકીએ છીએ."
રોહિત શર્માનો ઓસ્ટ્રેલિયાનો છેલ્લો પ્રવાસ
મેચ પછી રોહિત શર્માએ સ્વીકાર્યું હતું કે આ બંને માટે ઓસ્ટ્રેલિયામાં છેલ્લી વન-ડે સીરિઝ હોઈ શકે છે, કારણ કે બંને તેમના આંતરરાષ્ટ્રીય કારકિર્દીના અંતિમ તબક્કામાં છે. હવે જ્યારે તેઓ દક્ષિણ આફ્રિકા સામેની ઘરઆંગણાની શ્રેણીમાં રમશે તેમનું ધ્યાન ઓસ્ટ્રેલિયામાં મેળવેલી તેમની મેચ ફિટનેસ જાળવવા પર છે.
ત્રણ મેચની શ્રેણીમાં પ્રભાવશાળી પ્રદર્શન માટે રોહિત શર્માને પ્લેયર ઓફ ધ સિરીઝ જાહેર કરવામાં આવ્યો હતો, જ્યારે પ્રથમ બે મેચમાં સતત શૂન્ય આઉટ થયા બાદ વિરાટ કોહલીને ત્રીજી મેચમાં રન બનાવીને થોડી રાહત મળી હતી.