હાર્દિક પંડ્યાનો સ્ટેડિયમમાં રોમેન્ટિક અંદાજ: ગર્લફ્રેન્ડ મહિકા શર્માને આપી ફ્લાઈંગ કિસ, વીડિયો થયો વાયરલ

હાર્દિક પંડ્યા અને ગર્લફ્રેન્ડ મહિકા શર્માનો રોમેન્ટિક વીડિયો વાયરલ. સ્ટેડિયમમાં ફ્લાઈંગ કિસ અને ખાસ બર્થડે વિશ સાથે હાર્દિકે જીત્યું દિલ. જુઓ સંપૂર્ણ વિગત.

Hardik Pandya Mahika Sharma

Source : Social Media

Show Quick Read

Key points generated by AI, verified by newsroom

Hardik Pandya Mahika Sharma Video: ભારતીય ક્રિકેટ ટીમના સ્ટાર ઓલરાઉન્ડર હાર્દિક પંડ્યા હાલમાં રમાઈ રહેલા T20 World Cup 2026 દરમિયાન મેદાન પરના પ્રદર્શનની સાથે સાથે અંગત જીવનને લઈને પણ ભારે ચર્ચામાં છે. ગુરુવારે (19 February, 2026) નેધરલેન્ડ્સ સામેની અંતિમ લીગ મેચ બાદ હાર્દિક પંડ્યા અને તેની કથિત ગર્લફ્રેન્ડ મહિકા શર્માનો એક વીડિયો સોશિયલ મીડિયા પર વાયરલ થયો છે. આ વીડિયોમાં હાર્દિક સ્ટેડિયમની વચ્ચેથી જ મહિકાને પ્રેમભર્યા ઈશારા અને 'ફ્લાઈંગ કિસ' આપતો જોવા મળે છે, જેના કારણે ચાહકોમાં કુતૂહલ જાગ્યું છે.

મેદાન પરનો રોમાંસ: ઇશારામાં વાત અને ફ્લાઈંગ કિસ

પાકિસ્તાન સામેની હાઈ વોલ્ટેજ મેચમાં શૂન્ય રને આઉટ થયા બાદ હાર્દિક પર ભારે દબાણ હતું, પરંતુ નેધરલેન્ડ્સ સામેની મેચમાં તેણે 30 રનની ઉપયોગી ઇનિંગ રમી ફોર્મમાં પરત ફરવાના સંકેત આપ્યા હતા. આ ઇનિંગના સમાપન બાદ જ્યારે કેમેરા ગેલેરી તરફ વળ્યા, ત્યારે હાર્દિક અને મહિકા શર્મા વચ્ચેની કેમેસ્ટ્રી કેદ થઈ ગઈ હતી. વીડિયોમાં સ્પષ્ટ જોઈ શકાય છે કે હાર્દિક પહેલા મહિકા તરફ જોઈને કંઈક ખાસ ઈશારો કરે છે, જેના જવાબમાં મહિકા પણ સ્મિત સાથે પ્રતિક્રિયા આપે છે. અંતે હાર્દિકે તેને ફ્લાઈંગ કિસ આપીને પોતાનો પ્રેમ ખુલ્લેઆમ વ્યક્ત કર્યો હતો.

"હેપ્પી બર્થડે માય પ્રિન્સેસ" – પૂલ ફોટો થયો વાયરલ

માત્ર મેદાન પર જ નહીં, પરંતુ સોશિયલ મીડિયા પર પણ હાર્દિકે મહિકા માટે પોતાનો પ્રેમ વ્યક્ત કરવામાં કોઈ કસર છોડી નથી. મહિકા શર્માના જન્મદિવસના અવસરે હાર્દિકે એક અત્યંત અંગત પૂલ ફોટો શેર કર્યો હતો. આ તસવીરમાં બંને એકબીજાને ગળે લગાવતા જોવા મળી રહ્યા છે. હાર્દિકે આ પોસ્ટના કેપ્શનમાં "Happy Birthday My Princess" લખીને સંબંધો પર મહોર મારી દીધી હોય તેવું લાગી રહ્યું છે. આ સોશિયલ મીડિયા પોસ્ટ બાદ ઈન્ટરનેટ પર "હાર્દિક મહિકા" ટ્રેન્ડ થવા લાગ્યું છે.

Hardik Pandya giving flying kiss to his girlfriend Maheika Sharma during the match vs Netherlands 🤩pic.twitter.com/3QikmteIHT

— Cricket Central (@CricketCentrl) February 19, 2026

T20 વર્લ્ડ કપ 2026 માં હાર્દિકનું અત્યાર સુધીનું પ્રદર્શન

આ ટુર્નામેન્ટમાં હાર્દિક પંડ્યાનું પ્રદર્શન મિશ્ર રહ્યું છે. આંકડાકીય રીતે જોઈએ તો:

• USA સામેની મેચ: માત્ર 5 રન બનાવ્યા હતા.
• નામિબિયા સામે: શાનદાર વાપસી કરતા 52 રનની અડધી સદી ફટકારી.
• પાકિસ્તાન સામે: આક્રમક રમવાની લ્હાયમાં 0 રન પર પેવેલિયન ભેગો થયો.
• નેધરલેન્ડ્સ સામે: જવાબદારીપૂર્વક બેટિંગ કરીને 30 રનનું યોગદાન આપ્યું.

🚨Hardik Pandya shared intimate post🚨

-Hardik Pandya celebrated girlfriend Mahieka Sharma's birthday in style, sharing an unseen romantic photo of them together. #HardikPandya #MahiekaSharma #viral #trend #breaking pic.twitter.com/eHpbvUa1pT

— Pustak Premi (@tiwarishivakan) February 19, 2026

ટીમ ઈન્ડિયાનું સુપર 8 શેડ્યૂલ: હવે અસલી જંગ જામશે

લીગ સ્ટેજ પૂર્ણ થયા બાદ હવે ભારતની નજર 'સુપર 8' રાઉન્ડ પર છે. ચાહકો માટે સારા સમાચાર એ છે કે ભારતની મહત્વની મેચો ભારતીય સમય મુજબ શાનદાર સ્ટેડિયમોમાં રમાશે:

1. 22 February: દક્ષિણ આફ્રિકા સામે (નરેન્દ્ર મોદી સ્ટેડિયમ, અમદાવાદ)
2. 26 February: ઝિમ્બાબ્વે સામે (એમ.એ. ચિદમ્બરમ સ્ટેડિયમ, ચેન્નાઈ)
3. 1 March: વેસ્ટ ઈન્ડિઝ સામે (ઈડન ગાર્ડન્સ, કોલકાતા)

સૂર્યકુમાર યાદવની કેપ્ટન્સી હેઠળની મેન ઇન બ્લુ ટીમ આ વખતે વર્લ્ડ કપ જીતવા માટે પ્રબળ દાવેદાર માનવામાં આવે છે. હાર્દિકનું ફોર્મ અને તેની માનસિક સ્થિતિ ભારત માટે સુપર 8 માં નિર્ણાયક સાબિત થશે.

આ પણ વાંચો

T20 વર્લ્ડ કપ 2026: ઝિમ્બાબ્વેએ શ્રીલંકાને હરાવી રચ્યો ઇતિહાસ, બનાવ્યો મોટો રેકોર્ડ