New ICC Rankings Rohit And Virat: ભારતીય બેટ્સમેન વિરાટ કોહલી અને રોહિત શર્માને ICC રેન્કિંગમાં ભારે નુકસાન થયું છે. બંને ભારતીય સુપરસ્ટાર ટેસ્ટમાં તાજેતરની રેન્કિંગમાં 5-5 સ્થાન નીચે આવી ગયા છે. બીજી તરફ ઓપનિંગ બેટ્સમેન યશસ્વી જયસ્વાલને ટેસ્ટ રેન્કિંગમાં ફાયદો થયો છે. આ સિવાય ઋષભ પંત ટેસ્ટ રેન્કિંગમાં જયસ્વાલથી માત્ર એક સ્થાન નીચે છે. જયસ્વાલ એકમાત્ર ભારતીય બેટ્સમેન છે જે ત્રણેય ફોર્મેટની રેન્કિંગમાં ટોપ-5માં છે.
ભારતીય કેપ્ટન રોહિત શર્મા ટેસ્ટ બેટિંગ રેન્કિંગમાં 5 સ્થાન નીચે આવીને 716 પોઈન્ટ સાથે 10માં નંબર પર પહોંચી ગયો છે. આ સિવાય 5 સ્થાન નીચે આવ્યા બાદ વિરાટ કોહલી 709 પોઈન્ટ સાથે 12મા સ્થાને પહોંચી ગયો છે. ઈંગ્લેન્ડના પૂર્વ કેપ્ટન જો રૂટ ટેસ્ટ રેન્કિંગમાં ટોચના સ્થાને છે. રૂટના 899 પોઈન્ટ છે. આ સિવાય ODI બેટિંગ રેન્કિંગમાં રોહિત શર્મા નંબર 2 અને વિરાટ કોહલી નંબર 4 પર છે જ્યારે શુભમન ગિલ ત્રીજા નંબર પર છે. અહીં પાકિસ્તાનનો કેપ્ટન બાબર આઝમ ટોપ નંબર પર છે.
બાકીની T20 ઈન્ટરનેશનલ બેટિંગ રેન્કિંગમાં ઓસ્ટ્રેલિયાના ટ્રેવિડ હેડ 881 રેટિંગ સાથે નંબર વન પર છે. ત્યારબાદ સૂર્યકુમાર યાદવ 805 રેટિંગ સાથે બીજા સ્થાને છે. આ પછી ઈંગ્લેન્ડની ફિલ સોલ્ટ ત્રીજા સ્થાને છે અને ભારતની યશસ્વી જયસ્વાલ 757 રેટિંગ સાથે ચોથા સ્થાને છે. અહીં પાકિસ્તાનના કેપ્ટન બાબર આઝમ 755 રેટિંગ સાથે પાંચમા સ્થાને છે.
બોલિંગ રેન્કિંગમાં પણ ભારતનો કબજો છે
ટેસ્ટ બોલિંગ રેન્કિંગમાં ભારતના સ્ટાર સ્પિનર રવિચંદ્રન અશ્વિન 871 રેટિંગ સાથે પ્રથમ સ્થાને છે. ત્યારબાદ જસપ્રીત બુમરાહ 854 રેટિંગ સાથે બીજા સ્થાને છે. પછી જો આપણે ODI બોલિંગ રેન્કિંગ પર નજર કરીએ તો ભારતનો કુલદીપ યાદવ 665 રેટિંગ સાથે ચોથા સ્થાને છે. ODI બોલિંગ રેન્કિંગમાં ટોપ-5માં સ્થાન મેળવનાર કુલદીપ એકમાત્ર ભારતીય છે. જ્યારે T20 ઈન્ટરનેશનલની બોલિંગ રેન્કિંગમાં કોઈ પણ ભારતીય બોલર ટોપ-5 રેન્કિંગમાં હાજર નથી.
તાજેતરમાં ટીમ ઈન્ડિયા બાંગ્લાદેશ સામે પ્રથમ ટેસ્ટ ચેન્નઈ ખાતે રમી હતી જેમાં ભારતનો ભવ્ય વિજય થયો છે. આ શ્રેણીમાં ભારતીય કેપ્ટન રોહિત શર્મા અને સ્ટાર બેસ્ટમેન વિરાટ કોહલી કઈ ખાસ પ્રદર્શન કરી શક્યા નથી.
આ પણ વાંચો : કોંગ્રેસમાં સામેલ થશે વિરેન્દ્ર સહેવાગ ? આ રીતે ચૂંટણી મેદાનમાં ઉતર્યા, હવે રાજનીતિની પીચ પર ચોગ્ગા-છગ્ગા